OTAM KELDI UYIMGA
Ko‘nglim yuksaldi tog‘dek,
Uyim yashnadi bog‘dek,
Zimistonga chirog‘dek,
Otam keldi uyimga.
Omonmisan qizim deb,
Matonatim, yuzim deb,
Ortda qolar izim deb,
Otam keldi uyimga.
Ikki qo‘lida bozorlik
Shundoq kelsa, ozordek,
Mehribonim, xush ko‘rdik,
Otam keldi uyimga.
Bosh qo‘yayin poyiga
KA’BA deb turgan joyiga,
To‘yib olay nurli chiroyiga,
Otam keldi uyimga.
Lek ko‘zim ochgan hamon,
Afsus, bu tushim ekan.
Armonimdir bu INSON,
Bir orzu xushim ekan.
Men yaxshiman, OTAJON,
Jannatda kulib yuring..
Lek tushimda bo‘lsa ham
Uyimga kelib turing.
Eh, Otasi omonlar,
Siz eng baxtli insonlar,
To‘lib, toshib diya olar
«OTAM KELDI UYIMGA!»