QISHLOQQA KЕLIN BO‘LING
Oydin yuzli,oy,gulyuz,
Oylarday to‘lin bo‘ling,
Hoy shaharlik suluv qiz,
Qishloqqa kelin bo‘ling.
Siqilmasdan,,dom"larda,
Hovlilarda chopasiz,
Tandirlarga o‘t qalab,
Shirmoynonlar yopasiz.
Tozagina iforli,
Tanga darmon havolar,
Sayllarda erkalab,
Duo qilar momolar.
Chakkangizga rayhondan,
Gulchambarlar taqasiz,
Erta tutib,azonda,
Sigirni ham sog‘asiz.
Qarindoshlar jon tortar,
Qo‘shnilar ham samimiy,
Qalbakisi yo‘q sira,
Hamma narsa tabiiy.
Ariq bo‘yi yalpizli,
Paxtalarda chigitlar,
Zabardast,norg‘ul bo‘lar,
Qishloqlik alp yigitlar.
Or,nomusli hammasi,
Hech yolg‘iz qoldirmaydi,
Labingizni sira ham,
,,Boteks" qildirmaydi.
Jiddiy mag‘rur bo‘larlar,
Piching qilib qopmaydi,
Eng muhimi,,likillab",
Boshqasiga chopmaydi.
Bolangizga ilinib,
Kulcha nonlar yopasiz,
Qishloqqa kelin bo‘lib,
Haqiqiy baxt topasiz.
Go‘lday go‘zal,gulyuzlar,
Oylardan to‘lin bo‘ling,
Shaharlik suluv qizlar,
Qishloqqa kelin bo‘ling.