Doktor bo‘lish oson emasdir
Inson har kim bo‘lmog‘i mumkin,
G‘ayrat qilsa, qunt qilsa basdir.
Bir rutba bor olamda lekin –
Doktor bo‘lish oson emasdir.
Ko‘p yurt ko‘rdim, ko‘p kezdim jahon,
Ko‘ra-ko‘ra keltirdim iymon:
Boshka kasbni egallash oson
Doktor bo‘lish oson emasdir.
Doktor bo‘lish fidolik demak,
Rohatidan judolik demak,
Har narsaga tayyorlik demak,
Doktor bo‘lish oson emasdir.
Dini – poklik, insof, muruvvat,
Tariqati – mardlik, futuvvat,
Do‘sti – mehnat, yori – uqubat,
Doktor bo‘lish oson emasdir.
U hammani o‘ylashi kerak,
"Vizov"larga borishi kerak.
Doktor qachon uxlashi kerak?
Doktor bo‘lish oson emasdir.
Gippokratning qasamin ichgan
Huzur halovatidan kechgan
Bemor hamlasiga dosh bergan
Doktor bo‘lish oson emasdir.
Bitmas ishni bitiruvchi u,
Maoshi xam juda kichikku
Xalk aytmaydi «uyam insonku»
Doktor bo‘lish oson emasdir.
Og‘iz ochmas kamu ko‘stidan,
Hasadgo‘y ko‘p lekin do‘stidan,
Oshini yeb kular ustidan.
Doktor bo‘lish oson emasdir.
Bemor uchun tinmay kurashar
O‘zi nurab, ziyo ulashar
Shu kasbini tanlagan bashar
Doktor bo‘lish oson emasdir.
O‘qidi u dargox SAMPIda
Ishladi dala-paxtada
Doim tayyor turar vaxtada
Doktor bo‘lish oson emasdir
Qalbi to‘la mehru ziyoga,
E’tiqodi yolg‘iz Xudoga,
Labbayka, deb kelgan dunyoga
Doktor bo‘lish oson emasdir.
Hamma inson unga bir odam-
Ishxonasi uning chun vatan
Yana qayta-qayta aytaman
Doktor bo‘lish oson emasdir.