Question

JIGARLARNI YO‘QLAYLIK!

Qayg‘u, alam yutmasdan,
To‘y, bayramni kutmasdan,
Uvollari tutmasdan,
Jigarlarni yo‘qlaylik.

Sepib xushbo‘y atirlar,
Qo‘lga olib patirlar,
Oshib dala-yu, qirlar,
Jigarlarni yo‘qlaylik.

O‘tib boryapti yillar,
Qarib opa, singillar,
Bir yayrasin ko‘ngillar,
Jigarlarni yo‘qlaylik.

Qayramaylik tishimiz,
G‘animat bir kishimiz,
Tushmasa ham ishimiz
Jigarlarni yo‘qlaylik.

Diydoridan qochmasdan,
G‘** eshigin ochmasdan,
Begonaga sochmasdan,
Jigarlarni yo‘qlaylik.