Eringiz bilan tortishib yoki janjallashib qolganingizda darhol ota-onangizga va yaqinlaringizga aytmang

Question

​#ruhiyat

☝Eringiz bilan tortishib yoki janjallashib qolganingizda darhol ota-onangizga, yaqinlaringizga aytib, arzi-hol qilishga, telefon qilib ichingizni bo‘shatishga shoshilmang, azizam!

 Chunki, eringizning bir og‘iz mehrga yo‘g‘rilgan shirin so‘zi yoki bag‘riga bosib erkalashi bo‘lib o‘tgan xafagarchilikni bir zumda unuttirish qudratiga ega.

Ota-onangizga esa sizga yetkazilgan bu ozorlarni qalblaridan chiqarib yuborishlari oson bo‘lmaydi.

Chunki, har bir ota-ona jismining bir bo‘lagi — bolasiga qilingan har qanday munosabatga — ayniqsa salbiysiga nisbatan o‘ta hassos, o‘ta ta’sirchan bo‘ladilar.

"Er-xotin urushi — doka ro‘mol qurishi". Shunday ekan, iloji boricha "doka ro‘mol" ning qurishiga boshqalarni aralashtirib, ishni chigallashtirmaganingiz, yaqinlaringizni bezovta qilmaganingiz ma’qul.

Umar roziyallohu anhu shunday degan ekanlar:
"Meni muammo, musibatlarimni kimsaga gapirmayman. Chunki, agar do‘stlarimga aytsam, ular bundan xafa bo‘ladilar. Dushmanlarimga aytsam, ular bundan xursand bo‘ladilar. Shuning uchun Robbimdan o‘zgaga arzi-hol qilib o‘tirmayman".

Siz turmush o'rtog'ingiz bilan tortishuvlaringiz haqida ota-onangizga aytasizmi?