⏰ Qanday qilib tongda qiynalmasdan ertaroq uyg‘onish mumkin?
Tong saharda turib dars qilish samaradorligi yuqoriroq bo‘ladi. Lekin tongda erta turish ham oson emas.
❗️Biroq uddalasa bo‘ladi. Qanday qilib?
Ekran vaqtini kamaytiring. Albatta, hamma uxlashidan oldin bir marta telefonda vaqt sarflaydi. Lekin ekranga ko‘p qarash uyqu vaqti kechikishiga sabab bo‘ladi. Ekrandan taraladigan sun’iy nur esa melotonin ajralishini susaytiradi.
Kechki ovqatni qachon qilishga ahamiyat qarating. Kech ovqatlanish uyqu vaqtigacha ovqat hazm bo‘lmasligiga, oqibatda uxlolmaslikka sabab bo‘lishi mumkin.
Doimiy uyqu va uyg‘onish vaqtini belgilab oling. Tartibga amal qilish qiynalmasdan uyg‘onishga yordam beradi.
Jismoniy mashqlarga biroz vaqt ajrating.
Tongda turib zavq bilan qiladigan ishlarni reja qiling. Sizga yoqadigan tarzda dars qilish, mashg‘ulotlarga borish, albatta, ertaroq turishingizga yordam beradi.