Auksionda olingan lekin dokumenti yo‘q bo‘lgan yer uchastkasini qanday qilib qonuniylashtirish mumkin?
@Yurist_Xizmati 5099-savol:
Assalomu aleykum menga 2016 yilda bitta uchastka berilgan lekin uning Avuksionda uynalgan dakumenti yuk lekin usha payti 2 ta kuchaga Avuksion uynalgan boshkalarda dakument bor men 2024 yilda uchastkamga uy kurdim shunga Kanday kilib dakument olsam boladi
YURIST JAVOBI:
Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risidagi qonun 31-moddasiga muvofiq 1998-yilning 1-iyulidan 2021-yilning 1-avgustiga qadar qabul qilingan yer uchastkasiga meros qilib qoldiriladigan umrbod egalik qilish huquqini davlat ro‘yxatidan o‘tkazish uchun:
mahalliy davlat hokimiyati organlarining yer uchastkasini berish haqida o‘z vakolatlari doirasida qabul qilingan qarorlari;
notarial tasdiqlangan meros qilib olish huquqi to‘g‘risidagi guvohnoma;
ushbu huquqning auksionda sotib olinganligiga asosan tuman (shahar) hokimi tomonidan berilgan davlat orderi yer uchastkasiga bo‘lgan huquqlarni belgilovchi hujjatlar hisoblanadi.
Shunga ko‘ra yer uchatkasiga nisbatan kimda yuqoridagilardan biri mavjud bo‘lsa, shu yer uchatkasiga nisbatan huquq o‘sha shaxsda bo‘ladi. Shuning uchun yer uchatkasining ustidagi imoratga nisbatan o‘sha shaxsgina kadastr hujjatlarini tayyorlatishga haqli bo‘ladi.
❗️Bu holatda siz auksionda qatnashgan bo‘lsangiz va hozirda sizda auksion dalolatnomasi bo‘lmasa, unda siz arxiv ma’lumotlarini olishingiz lozim.
Arxiv ishi to‘g‘risidagi qonun 24-moddasiga ko‘ra mahalliy davlat hokimiyati organlari va davlat boshqaruvi organlarining tegishli hududiy bo‘linmalari, viloyat bo‘ysunuvidagi davlat muassasalari va tashkilotlarining arxiv hujjatlari — o‘n yil mobaynida saqlanadi.
♂️ Shunga ko‘ra siz ham hududiy arxiv bo‘limlaridan auksion dalolatnomasining ko‘chirmasini olishingiz mumkin.
✅ Shundan keyingina siz bu yer ustida qurulish qilishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati