Farzandim go‘sht yemaydi, nima qilsam bo'ladi?
Bolalar ko‘pincha go‘shtni chaynash qiyinligi sabab yoqtirmaydi. Odatda, go'shtni chaynab-chaynab tupurishi yoki undan voz kechishi mumkin. Ammo ota-onalar xavotirlanib, farzandlarini tobora ko‘proq yeyishga majburlashadi. Bosim ostida qolgan bola ko‘proq rad eta boshlaydi va natijada chiqish yo‘li mavjud bo‘lmagan doira paydo bo'ladi. Ya'ni bola injiqlik qilishni, baqirishni, yig'lab, butunlay ovqatdan bosh tortishni boshlaydi.
Ushbu holatda nima qilish kerak?
— Birinchi navbatda majburlashni to‘xtating. Oqsil boshqa ko‘plab oziq-ovqatlarda ham mavjudligini unutmang.
— Ratsionning xilma-xilligiga ko'prok e’tibor bering
— Dukkakli maxsulotlardan boshqa qiziqarli taomlar tayyorlang
— Oqsilga boy sut mahsulotlari va yong‘oqlarni taklif qiling
— Go‘shtni boshqa shaklda taklif qiling: kotlet, teftel, frikadelki.
Bundan tashqari, bola menyusiga temirga boy mahsulotlar kiritish ham mumkin.
Siz go'shtni bolajoningizga qay tarzda taklif qilasiz?