Til o'rganish - bu qiyin vazifa bo'lishiga qaramay, uni bajarish mumkin. Har qanday tilni o'rganishni tor't qismga bo'lish mumkin: o'qish, yozish, eshitib qabul qilish va nutqni rivojlantirish. Agar siz ingliz tilini tezroq o'rganmoqchi bo'lsangiz quyidagi qadamlarni bajaring.
1- QISM. O'yin usulida ingliz tilini o'rganish.
1. O'qing, o'qing va yana o'qing. Ingliz tilini tezroq o'rganish uchun q'oyayotgan birinchi oddiy qadamingiz bu imkoni boricha ko'proq o'qish. Doimo o'qing. Bu sizning so'z boyligingizni oshiradi, grammatikani o'rganishda yordam beradi va sleng bilan tanishishga ko'maklashadi.
- Komikslar o'qing. Agar bolalar kitoblarini o'qishni hohlamasangiz komikslar o'qing. Siz kitob do`konidan inglizcha komikslar kitoblarini sotib olishingiz yoki internetda ularni elektron ko'rinishda topishingiz mumkin (ular odatda veb komikslar deb ataladi).
- Sizga tanish bo'lgan kitoblarni o'qing. Siz oldin o'qigan kitobingizni ingliz tilidagi ko'rinishida oqib chiqing. Agar siz kitobda voqealar rivoji qanday bo'lishini bilsangiz, sizga kitobda chrayotgan so'zlar ma'nosini topish va tushunish oson bo'ladi.
- Gazetalar o'qing. Gazeta o'qish til asoslarini o'rganishning yaxshi usuli hisoblanadi. Chunki odatda gazetalar yaxshi grammatik talqinga ega bo'lib ularni tushunish oson. Siz yaxshi ingliz tilida yozilgan mashxur gazetalarning onlayn versiyalarini internetdan topishingiz mumkin. Misol uchun bu New York Times yoki The Guardian gazetalaridir.
2. Filmlar tomosha qiling. Filmlar tomosha qilish ham sizning ingliz tilini o'rganishingizda yaxshi yordam beradi. Bu sizga u yoki bu so'zning talaffuzini va yangi so'zlarni o'rganishga yordam beradi. Siz subtitrli filmlarni tomosha qilishingiz ham mumkin. Lekin siz filmni ubtitrlarsiz tomosha qilganingizda ko'proq narsa o'rganasiz. Agar sizda tayanch so'z oyligingiz mavjud bo'lsa, subtitrli filmlardan foydalanmaslikka harakat qiling va diqqatingizni so'zlarni talaffuziga qarating, hamda notanish so'zlarning ma'nosini umumiy kontekst orqali topishga harakat qiling.
3. Tarmoq o'yinlari o'ynang. Tarmoq o'yinlari bu internet orqali boshqa odamlar bilan o'ynaladigan o'yinlardir. Ushbu o'yinlarni ingliz tilida gaplashuvchi mamlakatlardagi odamlar bilan o'ynang. Bu esa sizga ular bilan gaplashish va til o'rganishga yordam beradi. «Guild Wars», «World Of Warcraft» yoki «The Elder Scrolls Online» o'yinlarni o'ynab ko'ring.
4. Internetda gaplashish uchun do'st toping. Internetda orttirgan do'stlar bilan aplashganda ular sizning tilingizni o'rganadi, siz esa hat yozib javob olib ularni tilini o'rganasiz. Siz do'stingiz malakasini oshirish uchun hatingizni yarmini ona tilingizda, qolganini esa ingliz tilida yozing. Muloqot uchun hohlagan mavzuingizni tanlashingiz mumkin. Internetda yozishuv uchun do'stlar topishda yordam beradigan juda ko'plab saytlar mavjud.
5. Do'st toping. Ingliz tilida malakangizni oshirish uchun ingliz tilida gaplashuvchi amlakatlardan do'st toping. Siz u bilan elektron pochta yoki skypeda muloqot qiling. Siz ijtimoiy tarmoqlarda qiziqishlar bo'yicha biror guruhga yoki ingliz tili o'rganuvchilar guruhiga a'zo o'lishingiz mumkin. Masalan Fluentify.
6. Qo'shiq kuylang. Qo'shiq kuylash ingliz tilini o'rganishning yana bir yaxshi usuli. Bu sizga ingliz tili talaffuzini o'rganishda yordam beradi (ohang talaffuzni rivojlantirishga yordam beradi). Shu bilan birga qo'shiq kuylash sizning so'z boyligingizni oshiradi. Sizga yoqadigan qo'shiqni topib uni yodlang va so'zlar ma'nosini bilib oling.
2-QISM. Jiddiy mashg'ulotlar.
1. Kurslarga yoziling. Ingliz tili kurslari sizga muhimroq bo'lgan so'zlarni va grammatikani o'rganishga yordam beradi, hamda siz to'g'ri yoldan ketayotganingizga ishonch hosil ilishingizga asos bo'ladi. Ingliz tili kurslarini o'tishning ikki asosiy yo'li bor bo'lib bular:
- Internetda shug'ullanish. Siz Internet kurslaridan o'tishingiz mumkin. Bu kurslarning ayrimlari bepul ayrimlari esa pulli. Pulli kurslar bepul kurslardan yaxshiroq bo'lishi mumkin, lekin amalda bunday bo'lmasligi ham mumkin. Yaxshi onlayn kurslar sifatida Livemocha va Duolingo ni ko'rishimiz mumkin.
- O'quv muassasida o'rganing. Siz mahlliy universitet yoki maktab qoshidagi kurslarda o'qishingiz ham mumkin. Bu kurslar pulli bo'ladi, lekin o'qituvchi yordami foydali bo'ladi va mustaqil o'qigandan ko'ra siz ingliz tilini tezroq o'rganishingiz mumkin.
2. Kundalik yuriting. Bu sizda yozuv malakasini oshiradi va so'z boyligingizni oshiradi. Kundalik yozib borish siz biladigan jumlalarni qaytarish o'rniga, sizni yangi jumlalar tuzishga undaydi va malakangiz oshadi. Siz kun davomida bo'lib o'tgan hamma narsani yozib borishingiz mumkin. Siz alohida daftar ham yuritishingiz mumkin, bunda siz yangi, ko'rgan yoki eshitgan o'zlaringizni yozib borishingiz mumkin.
3. Ingliz tilida gaplashadigan biror bir davlatga borib keling. Aholisi ingliz tilida aplashadigan davlatga borish sizga ingliz tilini tezroq o'rganishga yordam beradi. Ushbu davlatda vaqtinchalik ish toping yoki ingliz tili kurdlariga yoziling. Siz ushbu davlatlarga qisqa muddatli lekin to'liq ingliz tili muhitiga ega kamida uch oylik safarga borsangiz ham yuqori natijalarga erishasiz.
4. O'z ustingizda ishlang. Albatta siz ingliz tilini mustaqil ham o'rganishingiz mumkin. Ingliz tilini tez o'rganish uchun ushbu mashg'ulotni kun tartibingizdagi eng asosiy masala sifatida belgilang. Mavjud bo'sh vaqtingizni to'liq ingliz tilini o'rganishga sarflang va ingliz tilini kundalik turmsuh tarzida ko'proq ishlating.
2- maqola! Maqolani davomi va 3-qismi bu yerga bosing.