Question

❤️ JONIM OPAM

Mening mehribon mehrligim,
Tanhogina qadrligim,
Matonatli sabrligim,
Jon opam jonim opam!

Yuzlari to‘lin oyim,
O‘zimning gulchiroyim,
Ipakdek ko‘ngli muloyim,
Jon opam jonim opam!

Tong misol beg‘uborim,
Yolg‘izim betakrorim,
Gulu, rayhon bahorim,
Jon opam jonim opam!

Dildan yaxshi ko‘rganim,
Doim holim so‘rganim,
Onam kabi yaqinim,
Jon opam jonim opam!

Mening mehrigiyoyim,
Qalbi esa daryoyim,
Dunyo ichra dunyoyim,
Jon opam jonim opam!