Kadastr qilinmagan ortiqcha yerga uy qurish qonuniymi?
@Yurist_Xizmati 5678-savol:
Assalom savol yoʻllamoqchiman. Bir tanishimdi 49sotiq uchaskasi bor u tanishim uyi endi xatlovdan oʻtkazdirildi kadastir qilish uchun eshtishmga qaraganda uchaskani 24 sotigʻi kadastir boʻlar ekan qolgani foydalanish uchun umribot deberilar ekan . Menisavolim shundan iboratki oʻsha foydalanishga deyilgan yeridan yangi uy qursa boʻladimi agrda uy qurulgan boʻlsa oʻsha uyni qanday qilib kadastir qilsa boʻladi kadastir qilib olishni yoʻli borma javob uchun oldindan raxmat.
YURIST JAVOBI:
♂️Hurmatli fuqaro, Siz aytayotgan holatda foydalanish uchun qoldirilgan yerga yangi uy qurish mumkin emas.
Chunki "Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida"gi Qonunning 4–12-moddalarida bunday yerlarga boʻlgan huquqlarni eʼtirof etish tartibi belgilangan.
Xususan, Qonunning 12-moddasiga ko‘ra, yakka tartibdagi uy-joy qurilgan yer uchastkasiga bo‘lgan ijara huquqi quyidagi me'yorlarda e'tirof etiladi:
➖agar yer uchastkasi 1999-yil 1-yanvarga qadar egallangan bo‘lsa – barcha hududlarda 0,24 gektar (24 sotix)dan ko‘p bo‘lmagan maydonda;
➖agar yer uchastkasi 1999-yil 1-yanvardan 2018-yil 1-mayga qadar egallangan bo‘lsa:
▪️Toshkent, Nukus shaharlari va viloyat markazlarida – 0,06 gektar (6 sotix);
▪️qolgan hududlarda – 0,12 gektar (12 sotix)dan ko‘p bo‘lmagan maydonda e'tirof etiladi.
Shuningdek, mazkur moddaning yakuniy qismiga ko‘ra, ushbu me'yorlardan ortiq egallangan yer uchastkasiga bo‘lgan huquq, boshqa shaxslarning huquqlarini buzmagan taqdirda, faqat dehqon xo‘jaligi yoki tomorqa xo‘jaligini yuritish uchun e'tirof etiladi.
♂️Ya'ni ortiqcha yer qismida yangi uy-joy qurishga ruxsat berilmaydi.
Shu sababli, foydalanish uchun qoldirilgan yerda uy qurilsa, u o‘zboshimchalik bilan qurilgan imorat deb baholanishi, kadastrdan o‘tkazilmasligi hamda ma'muriy javobgarlikka sabab bo‘lishi mumkin. Shu bois, avvalo yerning maqomini qonunchilikda belgilangan tartibda o‘zgartirish zarur.
✉️ Yuristga savol yuborish
Yurist bilan qoʻngʻiroq orqali bogʻlanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati