Kadastr agentligi ortiqcha yerni egallab olgan deb BHM 150 baravari jarima yozibdi. Jarimani qanday bekor qilsa bo‘ladi?
@Yurist_Xizmati 4604-savol:
Assalomu alaykum! Menga kafastr agentligi 150 BXM jarima yozib MIBga yuboripti. Sabab ortiqcha yerni egallab olganim, men qishloqda yashayman, bu jarimani qanday bekor qildirsam bo‘ladi. Iltimos yordam bering
YURIST JAVOBI:
Ma’muriy javobgarlik to‘g‘risidagi kodeks 60-moddasi ikkinchi qismiga ko‘ra yer uchastkalarini o‘zboshimchalik bilan egallab olish, shu jumladan ushbu yer uchastkalariga nisbatan qonuniy huquqlari mavjud bo‘lmagan holda ulardan foydalanish,
fuqarolarga — bazaviy hisoblash miqdorining 25 baravari;
mansabdor shaxslarga esa — 50 baravari miqdorida jarima solishga sabab bo‘ladi.
Agar siz haqiqatda o‘zingizga tegishli (hokim qarori yoki auksion dalolatnomasi va boshqa hujjatlar asosida) bo‘lgan yer uchatkasidan ortiqcha yerni o‘zlashlashtirib olgan bo‘lsangiz, kadastr organining harakatlari huquqiy asosga ega.
❗️Bunda mazkur huquqbuzarlikni birinchi marta sodir etgan shaxs, agar u o‘zboshimchalik bilan egallangan yer uchastkasining qaytarilishini ta’minlasa va o‘zboshimchalik bilan egallab olishning oqibatlarini bartaraf etsa, javobgarlikdan ozod etiladi.
✅ Shunga ko‘ra bu holatda siz sudga murojaat qilib, kadastr organining qarorini bekor qilishni so‘rashingiz mumkin. Buning uchun birinchi galda qo‘shimcha egallab olingan yerni qaytarishingiz talab etiladi