Jarima qarori qancha muddatda huquqbuzarga yetkazilmasa ushbu jarimani bekor qilish mumkin?
@Yurist_Xizmati 4589-savol:
Assalomu alaykum. Foto radar kurilmalari koidabuzarlikni kayd etgan kundan boshlab kancha muddat davomida gai lar bildirishi kerak.masalan bir oydan keyin xam bulaveradimi.men road ilovasi orali bildim.koidabuzarlik 8.06.24 bulgan ,24.06 24 da ijroga kuyilyapti. Muayyan muddat bormi.shu xolatda nima kilsam buladi. Shunaka xolatda manga gai xodimlari rasmiy bildirishi kerakmi yeki man roadga uxshagan ilovalar orkali uzim xabardor bulishim kerakmi?
YURIST JAVOBI:
Ma’muriy javobgarlik to‘g‘risidagi kodeks 309-1-moddasiga asosan jarima solish to‘g‘risidagi qarorning ko‘chirma nusxasi maxsus avtomatlashtirilgan foto va video qayd etish texnika vositalari qo‘llanilgan holda olingan materiallar ilova qilinib, elektron hujjatni qog‘ozdagi hujjatga aylantirish yo‘li bilan tayyorlanadi hamda mazkur qaror chiqarilgan kundan e’tiboran 3 kun ichida buyurtma pochta jo‘natmasi tarzida huquqbuzarga yuboriladi.
❗️Shunga ko‘ra sizga jarima qo‘llash haqidagi qaror 3 kun ichida yuborilishi kerak.
Bunda Ichki ishlar vazirining 2011 yil 31 maydagi 68-son buyrug‘i bilan tasdiqlangan (ro‘yxat raqami №2240) «Yo‘l harakati qoidalarining buzilishiga doir ma’muriy ishlarni ko‘rib chiqish tartibi to‘g‘risida»gi yo‘riqnomaning 69-bandiga muvofiq agar ma’muriy jazo qo‘llanish to‘g‘risidagi qaror chiqarilgan kundan boshlab uch oy mobaynida ijroga qaratilmagan bo‘lsa (qaror nusxasi huquqbuzarga topshirilmagan, huquqbuzarning ishlash, yashash joyiga yoki davlat ijrochisiga yuborilmagan bo‘lsa va h. k.), u holda bunday qaror ijro etilmaydi.
Bundan ko‘rinib turibdiki, jarima solish haqidagi qaror nusxasi MJTK 309-1-moddasida belgilangan muddatda huquqbuzarga yetkazilmasa, unda bu qaror ijroga qaratilmaydi.
✅ Soddaroq aytganda, agar qaror nusxasi yuborilmagan bo‘lsa, unda jarimani to‘lamasa ham bo‘ladi.
✅ Shunga ko‘ra siz ushbu jarimalarni sud orqali bekor qilishingiz mumkin. Buning uchun sudga jarima tayinlash haqidagi qarorni bekor qilish haqida ariza berishingiz kerak.