Question

Instagramda tuxmat qilganlik uchun qanday javobgarlik bor?

@Yurist_Xizmati 5533-saaol:

Mening xujayinimning rasmini internetga (instagramga) post kilib kuyib, tagiga "poraxur" deb xar xil tuxmatlar bilan post joylayapti. Shunga kayerga va kimga murojaa‌t kilsam buladi. Post joylayotgan odam chet elda, instagram akkaunti xam chet elda ochilgan. Kanaka yul tutsam buladi, yuridik maslaxatingiz kerak
YURIST JAVOBI:

O‘zbekiston Respublikasi qonunchiligiga ko‘ra har qanday holatda ham shaxsni haqorat qilish, unga tuhmat qilish taqiqlangan. Bu huquq hech kimga berilmagan. Aksincha mazkur qilmishlarni sodir etgan shaxslarga nisbatan ma’muriy va jinoiy javobgarlik choralari belgilangan.

Xususan, Ma’muriy javobgarlik to‘g‘risidagi kodeks 40-moddasida tuhmat, ya’ni bila turib yolg‘on, boshqa bir shaxsni sharmanda qiluvchi uydirmalarni tarqatish:
➖ bazaviy hisoblash miqdorining yigirma baravaridan oltmish baravarigacha miqdorda jarima solishga sabab bo‘lishi mustahkamlab qo‘yilgan.
Shuningdek, ushbu kodeks 46-2-moddasiga asosan shaxsga doir ma’lumotlarni qonunga xilof ravishda yig‘ish, tizimlashtirish, saqlash, o‘zgartirish, to‘ldirish, ulardan foydalanish, ularni berish, tarqatish, uzatish, egasizlantirish va yo‘q qilish, xuddi shuningdek axborot texnologiyalaridan foydalangan holda, shu jumladan Internet jahon axborot tarmog‘ida O‘zbekiston Respublikasi fuqarolarining shaxsga doir ma’lumotlariga ishlov berilayotganda jisman O‘zbekiston Respublikasi hududida joylashgan texnik vositalarda hamda Shaxsga doir ma’lumotlar bazalarining davlat reyestrida belgilangan tartibda ro‘yxatdan o‘tkazilgan shaxsga doir ma’lumotlar bazalarida shaxsga doir ma’lumotlarni yig‘ishga, tizimlashtirishga va saqlashga oid talablarga rioya etmaslik,
➖fuqarolarga bazaviy hisoblash miqdorining yetti baravari,
➖mansabdor shaxslarga esa — ellik baravari miqdorida jarima solishga sabab bo‘ladi.

✅Shunga ko‘ra bu holatda siz hududiy IIBga murojaat qilishingiz lozim. Agar o‘sha shaxs O‘zbekiston fuqarosi bo‘lsa, u O‘zbekistonga qaytgandan keyin javobgarlikka tortilishi mumkin.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati