Maktab farroshi va hovli supuruvchini dam olish kuni maktabga chaqirilishi to‘g‘rimi?
@Yurist_Xizmati 5489-savol:
Salom. Savolim maktab farrosh va xovli supuruvchi lavozimlariga tegishli. Ayolim maktabda 1shtat birlik xovli supuruvchi va 0,25 shtat birlik farrosh bo‘lib ishlaydi. Shu shyat birliklariga qancha joyni tozlashini aniq o‘lchamlarini bolmayapmiz. Maktab zavxozi tomonidan dam olish kunlari xam tozalash ishlarini qilishga chaqirilishi qanchalik to‘g‘ri, yana tuproq joylardagi, bog‘ etaklaridagi o‘t qoldiqlari tozalashga, chiqindilarni to‘plab yoqib yuborishga topshiriq berilishi yuzasidan nima deysiz. Texniklar kelib ketishini xech qanday nazorat qilmay sen ishga kelmagansan, ishlamagansan deb barchani oldida baqirishiga nima chora ko‘rishimiz lozim
YURIST JAVOBI:
Bitta supuruvchi necha kvadrat metr joyni supurishi kerakligi belgilanmagan. Shuning uchun bu savolingizga javob bera olmaymiz.
♂️Biroq dam olish kunlari zavxoz o‘zidan o‘zi ishga chaqirishi mumkin emas. Uning alohida meyorlar bor. Mehnat kodeksining 209-moddasi birinchi qismida dam olish kunlarida va ishlanmaydigan bayram kunlarida ishlash taqiqlanishi belgilangan va bu umumiy qoida.
♂️ Bunda ushbu normaning ikkinchi qismiga ko‘ra umuman tashkilotning yoki uning alohida tarkibiy bo‘linmalarining, yakka tartibdagi tadbirkorning keyinchalik normal ishlashi oldindan kutilmagan qaysi ishlarning shoshilinch bajarilishiga bog‘liq bo‘lsa, o‘sha ishlarni bajarish zarur bo‘lgan taqdirda xodimlarni dam olish kunlari va ishlanmaydigan bayram kunlari ishga jalb etish ularning yozma roziligi bilan amalga oshiriladi.
Endi qarang! Umuman tashkilotning yoki uning alohida tarkibiy bo‘linmalarining keyinchalik normal ishlashi oldindan kutilmagan qaysi ishlarning shoshilinch bajarilishiga bog‘liq bo‘lsa, o‘sha ishlarning ro‘yxati jamoa shartnomasida, agar u tuzilmagan bo‘lsa, kasaba uyushmasi qo‘mitasi bilan kelishuvga ko‘ra ish beruvchi tomonidan, yakka tartibdagi tadbirkor ish beruvchi bo‘lib ish yuritilayotgan hollarida esa mehnat shartnomasida belgilanadi.
✅ Shunga ko‘ra, faqat yuqoridagi meyorlardagina xodimni dam olish kunlari ishga jalb etish mumkin. Bunda ham unga albatta qo‘shimcha haq to‘lanadi.
Mehnat kodeksining 263-moddasiga asosan Dam olish kunlaridagi yoki ishlanmaydigan bayram kunlaridagi ish uchun quyidagilarga kamida ikki hissa miqdorida haq to‘lanadi:
ishbay ishlovchilarga — kamida ikki hissali ishbay baholar bo‘yicha;
mehnatiga kunbay va soatbay tarif stavkalari bo‘yicha haq to‘lanadigan xodimlarga — kunbay yoki soatbay tarif stavkasining kamida ikki hissasi miqdorida;
maosh oladigan xodimlarga — har bir ishlangan kun yoki soat uchun maoshdan tashqari kunbay yoki soatbay stavkasining kamida bir hissasi miqdorida.
❗️Demak, dam olish kuni ishga chaqirildimi, xodimga 2 hissa haq to‘lash shart.
➡️ Endi savolning ikkinchi qismiga kelsak,
Mehnat kodeksining 295-moddasida mehnat intizomi barcha xodimlarning mehnat to‘g‘risidagi qonunchilikka, jamoa kelishuvlariga, jamoa shartnomasiga, shuningdek ichki mehnat tartibi qoidalariga, boshqa ichki hujjatlarga va mehnat shartnomasiga muvofiq belgilangan xulq-atvor qoidalariga majburiy bo‘ysunishi ekanligi belgilangan.
Shunga ko‘ra sizdagi vaziyatda ham o‘qituvchilarning majburiyatlari ichki hujjat hisoblangan lavozim yo‘riqnomasida qayd etiladi. U har bir tashkilotning o‘zida qayt etilgani bois u bilan tanisha olmaymiz.
Biroq Mehnat kodeksi 115-moddasiga ko‘ra ish beruvchi xodimdan quyidagilarni talab qilishga haqli emas:
agar ushbu Kodeksda va boshqa qonunda boshqacha qoidalar belgilanmagan bo‘lsa, mehnat shartnomasida shart qilib ko‘rsatilmagan ishni bajarishni;
qonunga xilof bo‘lgan, xodimning yoki boshqa shaxslarning huquqlarini buzadigan, hayoti va sog‘lig‘ini xavf ostiga qo‘yadigan, ularning sha’ni, qadr-qimmati hamda ishchanlik obro‘siga putur yetkazadi.
❌Shunday ekan, supuruvchining mehnat shartnomasida va lavozim yo‘riqnomasida ko‘rsatilmagan majburiyatni bajarishni talab qilish mumkin emas. Bu holatda tuman adliya bo‘limiga murojaat qilishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati