Aliment uchun uy bersa bo‘ladimi?
@Yurist_Xizmati 5439-savol:
Assalomu alaykum. Ukam kelinim bilan ajrashish jarayonida. Ukamni farzandlariga 2 xonali uy olib bermokchiman. Bu uyni aliment xisobiga utkazsa buladimi. Uyni aliment xisobiga utkazish buyicha ogzaki rozetok bor lekin ertaga bu Muammar bulmaydimi
YURIST JAVOBI:
Aliment majburiyatini oldindan bajarish, jumladan aliment hisobiga mol-mulk (uy) berish masalasi amaldagi qonunchilikda maxsus tartib bilan tartibga solingan. Bu masala Vazirlar Mahkamasining 2018-yil 6-oktyabrdagi 808-son qarori bilan tasdiqlangan Nizom asosida hal qilinadi.
Amaldagi tartibga ko‘ra, alimentni oldindan to‘lash orqali ijro hujjatini ijro etish ikki bosqichda amalga oshiriladi:
1️⃣ Birinchi bosqich — ijro etish usulini o‘zgartirish
Nizomning 22-bandiga muvofiq, aliment qarzdori (ukangiz) alimentni oldindan to‘lash, shu jumladan aliment hisobiga uy berish haqida ariza bilan murojaat qiladi.
Mazkur ariza ko‘rib chiqilishi yakunida sud (yoki davlat ijrochisi):
• alimentlarni oldindan to‘lash yo‘li bilan ijro hujjatini ijro etish usuli va tartibini o‘zgartirish to‘g‘risida ajrim chiqaradi.
Ushbu ajrimda majburiy ravishda:
• oldindan to‘lanadigan aliment summasi;
• aliment qaysi davr uchun oldindan to‘lanayotgani (boshlanish va tugash oyi, yili bilan);
• aliment to‘liq bajarilishi lozim bo‘lgan muddat ko‘rsatiladi.
Agar aliment uy berish orqali qoplanayotgan bo‘lsa, ajrimda qo‘shimcha ravishda:
• uyning joylashgan manzili;
• qiymati;
• uyni aniq belgilovchi boshqa ma’lumotlar;
• uyni topshirish muddati ham aniq ko‘rsatib o‘tilishi shart.
2️⃣Ikkinchi bosqich — mol-mulkni topshirish va rasmiylashtirish
Nizomning 23–24-bandlariga ko‘ra, aliment hisobiga uy berilganda:
• uy qabul-topshirish dalolatnomasi asosida topshiriladi;
• ko‘chmas mulk bo‘lgani sababli,
uyga egalik huquqi undiruvchi (yoki bolalar) nomiga davlat ro‘yxatidan o‘tkazilishi shart.
Shundan keyingina:
• davlat ijrochisi aliment majburiyati bajarilganini e’tirof etadi;
• qarzdorga qo‘yilgan barcha cheklovlar bekor qilinadi.
Amaldagi qonunchilikka ko‘ra:
• og‘zaki kelishuv aliment majburiyatini bekor qilmaydi;
• uy “hadya” yoki “sovg‘a” sifatida berilsa, u aliment hisobiga o‘tgan deb tan olinmaydi;
• natijada aliment kelgusida yana undirilishi mumkin.
♂️ Xulosa qilib aytganda, sizdagi holatda farzandlar uchun uy berish orqali aliment majburiyatini oldindan bajarish mumkin.
❗️Biroq bu faqat sud yoki davlat ijrochisi ajrimi asosida, VMning 808-son qarorida belgilangan tartibda rasmiylashtirilgan taqdirdagina qonuniy hisoblanadi. Shu sababli, og‘zaki kelishuv bilan cheklanmasdan, mazkur tartibda rasmiylashtirish majburiydir.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati