Bir qavatli uyni ikki qavatli qilib o‘zgartirish uchun kadastrdan ruxsat olish kerakmi?
@Yurist_Xizmati 5453-savol:
Assalomu alaykum, kadastr masalasida yuridik maslaxat olish tartibi bilan tanishtirishlaringizni iltimos kilaman. Yangi rakamlangan kadastori bor bir kavatli uyimni buzib ikki kavatli kilib kurdim. Shu yangi uyimni kadastrda rasmiylashtirish tartibi bilan tanishtirishingizni iltimos kilaman.
YURIST JAVOBI:
Agar hozir uyni qurib bo‘lgan bo‘lsangiz, bu uy o‘zbimchalik bilan qurilgan imorat sanaladi.
Negaki, Fuqarolik kodeksining 212-moddasiga binoan qonunchilikda belgilangan tartibda qurilish maqsadlari uchun ajratilmagan yer uchastkalarida, shuningdek imorat qurish uchun zarur ruxsatnoma olmasdan yoki arxitektura va qurilish normalari hamda qoidalarini jiddiy buzgan holda qurilgan uy-joy, boshqa bino, inshoot yoki o‘zga ko‘chmas mulk o‘zboshimchalik bilan qurilgan imorat hisoblanadi.
☝️Aynan shu asosga ko‘ra ya’ni imorat qurish uchun zarur ruxsatnoma olmasdan qurilgani uchun uyingiz o‘zboshimchalik bilan qurilgan imorat toifasiga kiradi.
Aslida Vazirlar Mahkamasining 2022 yil 20 apreldagi 200-son qaroriga 5-ilovasida tasdiqlangan Qurilish-montaj ishlarini boshlash uchun obyektni ro‘yxatdan o‘tkazish bo‘yicha davlat xizmatlari ko‘rsatishning ma’muriy reglamentining 5-bandiga ko‘ra qurilish obyektini ro‘yxatdan o‘tkazmasdan qurilish ishlarini amalga oshirish taqiqlanadi.
♂️Bunda Loyiha hujjatlari bo‘yicha ijobiy ekspertiza xulosasi ekspert tashkiloti tomonidan «Shaffof qurilish» milliy axborot tizimidagi «Ekspert xulosalarining yagona reyestri»ga kiritilgan taqdirda, haqiqiy deb tan olinadi.
Shunga ko‘ra siz ham qurilishni boshlashdan oldin ruxsatnoma olishingiz kerak edi.
Ushbu reglamentning 8-bandiga ko‘ra ariza beruvchilar qurilish-montaj ishlarini ro‘yxatdan o‘tkazish uchun Davlat xizmatlari markazlariga o‘zi kelib murojaat etadi yoki YAIDXP davlat xizmatidan elektron shaklda foydalanish uchun ro‘yxatdan o‘tadi.
Mazkur ariza so‘rovnoma bilan hududiy inspeksiyaga yuboriladi. Hududiy inspeksiya so‘rovnoma tushgan vaqtdan boshlab bir ish kuni mobaynida ko‘rib chiqib xulosa berishi mumkin.
Endi siz uyingizni kadastr qilishingiz uchun fuqarolik sudiga ariza berishingiz lozim. Fuqarolik kodeksi 212-moddasi to‘rtinchi qismiga binoan imorat qurilgan yer uchastkasining mulkdori bo‘lgan, unga umrbod meros sifatida egalik qilayotgan, doimiy egalik qilayotgan va foydalanayotgan shaxsning o‘zboshimchalik bilan qurilgan imoratga nisbatan mulk huquqi sud tomonidan e’tirof etilishi mumkin.
❗️Sudning qaroriga asosan siz uyni qayta kadastr qilishingiz mumkin bo‘ladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati