Chiqindi tashuvchi shu yerda yashovchi aholi nomidan mahalla bilan shartnoma tuzishi mumkinmi?
@Yurist_Xizmati 5467-savol:
Assalomu alaykum. Meni nomimda 2 ta xonadon bor. Bittasida uzim ruyxatdan utganman Ikkinchisida xech Kim yashamaydi shu yashamagan kvartiramanga men chikindi uchun pul tulashim kerakmi. Men siz maxalla komitet shartnoma kilish ga xakki bormi chikindi oladigon kompaniya bilan
YURIST JAVOBI:
❌Mahalla mustaqil shartnoma tuza olmaydi.
Vazirlar Mahkamasining 2019-yil 6-fevraldagi 95-son qaroriga 1-ilovada tasdiqlangan Qattiq va suyuq maishiy chiqindilarni to‘plash va olib chiqib ketish bo‘yicha xizmatlar ko‘rsatish Qoidalarining 6-bandiga muvofiq jismoniy shaxslarga maishiy chiqindilarni to‘plash va olib chiqib ketish uchun xizmatlar ko‘rsatish bo‘yicha ommaviy shartnoma asosida amalga oshiriladi.
Bunda ko‘chmas mulkdan foydalanilganda maishiy chiqindilar paydo bo‘lishiga olib keluvchi yuridik shaxslar va yakka tartibdagi tadbirkorlar maishiy chiqindilarni to‘plash va olib chiqib ketish bo‘yicha xizmatlardan foydalanish uchun mazkur ko‘chmas mulk xizmat ko‘rsatish zonasida joylashgan xizmat ko‘rsatuvchi tashkilot bilan shartnoma tuzadilar.
Ya’ni xizmat ko‘rsatuvchi tashkilot iste’molchi bilan shartnoma tuzadi.
Fuqarolik kodeksi 358-moddastga muvofiq tashkilot tomonidan tuzilgan hamda uning bunday tashkilot o‘z faoliyati xususiyatiga ko‘ra o‘ziga murojaat qiladigan har bir shaxsga nisbatan amalga oshirishi shart bo‘lgan tovarlar sotish, ishlar bajarish yoki xizmatlar ko‘rsatish sohasidagi vazifalarini (chakana savdo, umumiy foydalanishdagi transportda yo‘lovchi tashish, aloqa xizmati, energiya bilan ta’minlash, tibbiy xizmat, mehmonxona xizmati va sh.k.) belgilab qo‘yadigan shartnoma ommaviy shartnoma deyiladi.
❗️Yuqoridagi qoidalarga muvofiq chiqindilarni yig‘ish xizmatlarini ko‘satuvchi korxona siz bilan alohida shartnoma imzolashi kerak. Bunda mahalla shu hududda yashovchilar nomidan shartnoma tuzishi mumkin emas. Bu vaziyatda siz fuqarolik sudiga shartnomani haqiqiy emas deb topish bo‘yicha da’vo qilishingiz lozim.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati