Maktab "SNOS"ga tushganda, jihozlari kimga qoladi?
@Yurist_Xizmati 5442-savol:
ASSALAMUALЕYKUM sizga savolim bor maktabim snosga tushdi endi maktabning narsalari yani pol- yogoch plita eshik derazalari kim olish kerak shu buyicha kanday konun bor men maktab raxbarining kanday xukuklari bor.Menga rayono boshligim va eksplutatsiya boshligimiz rayonadag siz aralashmaysiz uzimiz shu narsalarni sotib davlat balansiga kuyamiz deyapdi shunga nima kilsam buladi konuniy yuli bormi javob bersangiz.
YURIST JAVOBI:
O‘zbekiston Respublikasi iqtisodiyot va moliya vazirining 2024-yil 14-iyundagi 133-son buyrug‘iga 1-ilovada tasdiqlangan O‘zbekiston Respublikasi buxgalteriya hisobining milliy standarti (5-sonli BHMS) “Asosiy vositalar” 55-bandiga muvofiq Asosiy vositalar tashkilot va tashkilotlarning qurilishi, kengaytirilishi, rekonstruksiya qilinishi, modernizatsiya qilinishi va texnik qayta jihozlanishi munosabati bilan balansdan chiqib ketganda ularni tugatish munosabati bilan balansdan hisobdan chiqarilishi mumkin.
Shunga ko‘ra sizdagi vaziyatda eskirgan jihozlarni balansdan chiqarish mumkin.
Bunda mazkur BHMS 56-bandiga binoan tashkilotlarda asosiy vositalarni tugatish munosabati bilan ularni hisobdan chiqarish to‘g‘risida qaror qabul qilish uchun rahbar (rahbar o‘rinbosari) yoki bosh muhandis raisligida komissiya tuziladi.
Komissiya tarkibiga tashkilotning tegishli mutaxassislari, buxgalteriya xodimlari va moddiy javobgar shaxslari kiritilishi kerak.
Komissiyaning tarkibi uning ish tartibi va vakolatlari tashkilot rahbarining buyrug‘i bilan belgilanadi.
❗️Shunday ekan, bu holatda tashkilot rahbari sifatida siz o‘zingiz alohida komissiya tuzishingiz talab etiladi.
Vazirlar Mahkamasining 2023-yil 21-iyuldagi 302-son qaroriga 1-ilovada tasdiqlangan Davlat muassasalari to‘g‘risidagi Nizom 27-bandiga ko‘ra Davlat muassasasining mulki asosiy vositalarni sotish, hisobdan chiqarish (binolari va inshootlari, shu jumladan, qurilishi tugallanmagan binolari va inshootlaridan tashqari) qonunchilik hujjatlariga muvofiq belgilangan tartibda muassis bilan kelishgan holda tasarruf etiladi.
⚠️ Shunga ko‘ra bu holatda hisobdan chiqarishda tuman MMTB va davlat aktivlarini boshqarish agentligi hududiy bo‘limi bilan kelishish talab etiladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati