Question

Rayono o‘qituvchilardan yillik hisobotlarni qog‘oz yoki elektron shaklda talab qilishga haqlimi?

@Yurist_Xizmati 5174-savol:

Assalomu aleykum, rayono maktabning ma'naviy-ma'rifiy ishlar bo‘yicha direktor o‘rinbosarlaridan yillik hisobot talab qiliyapti, vaholanki kunlik tadbirlarni hammasini ijtimoiy tarmoq kanallariga hamda emaktab.uz platformasiga joylashtirib kelmoqda. Shu talab qanchalik tug‘ri yoki notug‘riligi haqida yordam bersangiz. Rayono, oblano yillik hisobotlarni qog‘oz shaklida yoki elektron shaklida talab qilishi tug‘rimi?? Oldindan raxmat!

YURIST JAVOBI:

Maktabgacha va maktab ta’limi vazirining 2023-yil 27-iyundagi 190-son buyrug‘iga 1-ilovada Umumiy o‘rta ta’lim muassasasining ma’naviy-ma’rifiy ishlar bo‘yicha direktor o‘rinbosarining lavozim Yo‘riqnomasi tasdiqlangan.

Uning 3-bandida MMIBDO‘ning asosiy vazifalari belgilangan. Uning mazmuniga ko‘ra direktor o‘rinbosari bir qator yo‘nalishlarda ishlarni tashkil etish, ular bo‘yicha hisob va hisobotlarni yuritishi, pedagogik kengashga hisobot berishi nazarda tutilgan.

‍♂️ Shuningdek, direktor o‘rinbosari qonun hujjatlariga muvofiq boshqa vazifa va topshiriqlarni ham bajarishi mumkinligi keltirilgan.

❗️Bunda Maktabgacha va maktab ta’limi vazirining 1.08. 2024 yildagi 238-sonli buyrug‘iga 3-ilovada tasdiqlangan tuman (shahar) maktabgacha va maktab ta’limi bo‘limlari xodimlari asosiy lavozimlarining malaka tavsiflariga binoan tuman MMTB sizdan o‘z vazifangizga kiradigan masalalar bo‘yicha tushuntirish va hisobotlarni so‘rashga haqli.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati