Pedagoglar sudda davlat bojidan ozod etiladi
Davlatimizda pedagoglarning shaxsiy, ijtimoiy va iqtisodiy manfaatlarini himoya qilish bo‘yicha ko‘plab yengilliklar yaratilgan. Ularning jamiyatdagi ahamiyati to‘g‘ri baholanib, yangi tahrirda qabul qilingan Konstitutsiyamizning 52-moddasida ham o‘z aksini topgan hisoblanadi.
Ushbu moddaga muvofiq, O‘zbekiston Respublikasida o‘qituvchining mehnati jamiyat va davlatni rivojlantirish, sog‘lom, barkamol avlodni shakllantirish hamda tarbiyalash, xalqning ma’naviy va madaniy salohiyatini saqlash hamda boyitishning asosi sifatida e’tirof etiladi.
✔️ Davlat o‘qituvchilarning sha’ni va qadr-qimmatini himoya qilish, ularning ijtimoiy va moddiy farovonligi, kasbiy jihatdan o‘sishi to‘g‘risida g‘amxo‘rlik qiladi. Ularga o‘z sha’ni va qadr-qimmatini to‘siqsiz himoya qilish uchun imkoniyat yaratish maqsadida sudga shikoyat qilganda davlat bojidan ozod etiladi.
Davlat boji to‘g‘risidagi qonunining 8(5)-moddasining 2-bandiga muvofiq, pedagog xodimlar — kasbiy faoliyatini amalga oshirish davomida o‘z sha’ni, qadr-qimmati va ishchanlik obro‘sini himoya qilish bilan bog‘liq ishlar yuzasidan fuqarolik ishlari bo‘yicha sudga murojaat qilganda, shuningdek, ushbu qonunning 10-moddasi 19-bandiga ko‘ra, pedagog xodimlar — kasbiy faoliyatini amalga oshirish davomida pedagog xodimlarning huquqlarini buzayotgan davlat organlarining g‘ayriqonuniy qarorlari, ular mansabdor shaxslarining harakatlari (harakatsizligi) ustidan ma’muriy sudga shikoyat qilganda davlat boji to‘lashdan ozod etiladi.
⭐ Xulosa qilib aytganda, pedagoglarga berilayotgan bu imtiyozlar nafaqat ularning huquqiy himoyasini ta’minlaydi, balki ularning kasbiy sha’ni va mehnatiga bo‘lgan yuksak hurmat va e’tirof ifodasidir.
Shunga o‘xshash foydali maqolalarni Yuristpro.uz loyihamizdan ham topishiningiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati