Diplomim yo‘qolgan, dublikatini qanday olaman?
@Yurist_Xizmati 4549-savol:
Assalomu aleykum! 2012 yilda Olmazor tumanidagi Bank kolledjini "Bank ishi" yunalishini bitirganman. Lekin ma’lum sabablarga kura bu kolledj yopilib ketgan. Diplomimni yukotib kuyganman. Oliy ta’limga topshirishim uchun diplom kerak ekan. Diplomimni kayta tiklashim uchun kayerga murojaat kilsam buladi, javob uchun oldindan raxmat
YURIST JAVOBI:
Vazirlar Mahkamasining 2022-yil 21-iyuldagi 395-son qaroriga ilovada tasdiqlangan Oliy, o‘rta maxsus va professional ta’lim to‘g‘risidagi hujjatlarning dublikatini berish bo‘yicha davlat xizmatlari ko‘rsatishning ma’muriy Reglamenti oliy, o‘rta maxsus, kasb-hunar va professional ta’lim muassasalarini tamomlagan, ma’lumotini tasdiqlovchi hujjati (diplom, sertifikat) yo‘qolgan taqdirda, dublikat berish bo‘yicha davlat xizmati ko‘rsatish tartibini belgilaydi.
Mazkur reglamentning 6-bandiga ko‘ra siz bevosita davlat xizmatlari markaziga borib yoki my.gov.uz platformasi orqali diplom dublikatini berish haqida ariza berishingiz mumkin.
Bunda davlat xizmati ko‘rsatilgani uchun bazaviy hisoblash miqdorining bir baravari miqdorida yig‘im undiriladi va yig‘im to‘langanligi axborot-kommunikatsiya tizimlari orqali tasdiqlanadi.
Shundan so‘ng ariza vakolatli organga yuboriladi. Reglamentning 14-bandiga binoan vakolatli organ so‘rovnoma tushgan vaqtdan boshlab o‘n ish kuni mobaynida tegishli ta’lim muassasalari hamda Kasbiy ta’limni rivojlantirish va muvofiqlashtirish hududiy boshqarmalari tomonidan tasdiqlangan hujjatlar asosida oliy, o‘rta maxsus va professional ta’lim to‘g‘risidagi hujjat dublikatini o‘z imzosi va muhri bilan rasmiylashtiradi hamda bu haqida ariza beruvchini axborot-kommunikatsiya tizimi orqali xabardor qiladi.
♂️ Shundan so‘ng ariza beruvchi ta’lim to‘g‘risidagi hujjat dublikatini vakolatli organdan olib ketadi. Shuningdek, ariza beruvchining xohishiga ko‘ra, ta’lim to‘g‘risidagi hujjat dublikati vakolatli organ tomonidan pochta xizmati orqali yuborilishi mumkin.
✅ Xulosa qiladigan bo‘lsak, siz ham DXM orqali diplomingizning dublikatini olishingiz mumkin.
Yuristga savol yuborish
☎️ Qo‘ng‘iroq orqali yurist bilan hoziroq onlayn bog‘lanish
Barcha turdagi hujjatlarga buyurtma berish
Kanalimizga ulaning
@Yurist_Xizmati