Assalomu Alaykum, savolim bor edi. Men 2 ta maktabda ishlayman, birida asosiy ikkinchisida o‘rindosh. Meni asosiy bo‘lib ishlaydigan maktabdan bir oylik malaka oshirishga yubormoqchi, agar men malakaga ketsam o‘rindosh bo‘lib ishlaydigan maktabda oyligim saqlanadimi?
YURIST JAVOBI:
♂️ Yo‘q. Bu holatda sizning o‘rindoshlik asosidagi ish joyingizda ish haqingiz saqlanmaydi.
1️⃣Birinchidan, o‘rindoshlikda VM 275-son qarori bilan tasdiqlangan nizomga ko‘ra soatbay asosda dars beriladi. Bunda faqat o‘tilgan soatlar uchungina haq to‘lanadi.
2️⃣Ikkinchidan, Mehnat kodeksining 280-moddasiga e’tibor bering! Unga ko‘ra ish beruvchi, xodim xizmat safarida bo‘lgan davr va xodim ishdan ajralgan holda o‘zi va ish beruvchi uchun majburiy bo‘lgan qayta tayyorlashdan yoki majburiy malaka oshirishdan o‘tgan davr hamda boshqa holatlarda kafolatli to‘lovlarni amalga oshirishi shart.
MK 286-moddasiga ko‘ra, ish beruvchi quyidagi hollarda xodimga uning o‘z mehnat majburiyatlarini bajarishi bilan bog‘liq xarajatlarni kompensatsiya qilishi shart:
xizmat safarlarida bo‘lganda;
ish beruvchining yo‘llanmasi bilan kasbiy tayyorgarlikdan, qayta tayyorlash, malaka oshirish va stajirovkadan o‘tganda.
Yuqoridagi qoidalar xodimning asosiy ish joyiga taalluqli hisoblanadi.
☝️E’tibor bergan bo‘lsangiz, MK 280, 286 va boshqa moddalarga ko‘ra malaka oshirish davrida xodimning o‘rtacha ish haqi saqlab qolinadi.
✅ Demak, sizdagi holatda asosiy ish joyingizda o‘rtacha ish haqingiz saqlanadi.