Yuqori natijalarga erishgan pedagoglar malaka oshirishga borishi shartmi?
@Yurist_Xizmati 4737-savol:
Assalomu alaykum. 48 yildan buyon ta'limda bandman.1982 yildan beri Tuman xalq ta'limi bolimida direktori, maktab direktori ,Chortoq tuman xalq ta'limi bolimida mudir, ixtisoslashtirilgan maktab va akademik litseylarida 20 yil direktor lavozimida direktor lavozimlarida faoliyat yuritdim. 48 yillik pedagogik faoliyatimni 42 yili rahbarlikdan iborat boldi. Hozirda 27 yildan buyon oliy toifali kimyo fani oqituvchisiman. Faoliyatim davrida 0.5 stavkada kimyo fanidan dars berib 200 dan ortiq mutaxassisligim boyicha shogirdlar yetishtirdim. Ularni 7 nafari falsa fanlar doktori. Men ham malaka oshirishim shartmi. Malaka oshirib sertifikat olmasam oylik maoshimga 50% qoshilmas ekan. Maslaxat berishingizni sorayman yoki o‘zgarish bo‘lish mumkinmi_ Faoliyatim davrida Xalq talimi a'lochisi ,va ,,El yurt hurmati "ordeni, ,,Shuhrat "medali sohibiman.
YURIST JAVOBI:
Vazirlar Mahkamasining 2022-yil 17-yanvardagi 25-son qaroriga 1-ilovada tasdiqlangan Xalq ta’limi xodimlarini uzluksiz kasbiy rivojlantirish tizimini tashkil etish tartibi to‘g‘risidagi Nizom qoidalariga ko‘ra, sizga malaka oshirishda imtiyoz mavjud emas.
❗️Shuningdek, nizomga ko‘ra pedagog xodimlar har yili malakasini oshirishi lozim.
Qarang! nizomning 63-bandiga ko‘ra xodimlarning malakasini oshirish xalq ta’limi hududiy boshqaruv organlari yoki bevosita Vazirlikning buyurtmalariga binoan ixtisoslashtirilgan ta’lim tashkilotlari tomonidan amalga oshiriladi.
✅ Shunga ko‘ra maktabda kimlar malaka oshirishini maktab rahbariyati hal qiladi.
Bunda xodimlarning har yili belgilangan davomiylikdagi malaka oshirish dasturlarini o‘zlashtirishi va belgilangan hajmdagi kredit ballarini yig‘ishlari majburiy hisoblanadi (nizom 66-band).
♂️ Malaka oshirishning har yilgi umumiy davomiyligi pedagog xodimlar uchun 36 soatni tashkil etadi.
Bunda nizomning 68-bandiga ko‘ra har yili 5 oktyabrda navbatdagi kalendar yilda tashkil etiladigan malaka oshirish kurslari haqidagi ma’lumotlar kurslarni tashkil qiladigan ixtisoslashtirilgan ta’lim tashkilotlari hamda elektron platforma bo‘yicha barcha xodimlar e’tiboriga havola qilinadi.
Ushbu jarayonda nozom 69-bandiga ko‘ra xalq ta’limi tashkilotining har bir xodimi, joriy yilning 6 oktyabridan 15 oktyabriga qadar, o‘z ehtiyoji va ixtiyoridan kelib chiqib, navbatdagi kalendar yilda malaka oshiradigan ixtisoslashtirilgan ta’lim tashkilotini tanlab, malaka oshirish kurslariga qatnashishingiz mumkin.
✅ Demak, siz ham malaka oshirishingiz lozim.
telegram kanal - yurist xizmati