ISHSIZMAN, LЕKIN ISHSIZ SHAXS EMASMAN. NЕGALIGINI O‘ZIM XAM BILMASMAN.
⚡️ SAVOL:
Men hech qayerda ishlamayman. Ishsizlar uchun berilayotgan imkoniyatlardan foydalanaman desam menga Siz ishsiz shaxs emas ekansiz deyishmoqda. Men rostdan xam hech qayerda ishlamayman. Qanday qilib men ishsiz shaxs bo‘lmasligim mumkin ?
⚡️ JAVOB:
O‘zbekiston Respublikasining 20.10.2020 yildagi O‘RQ-642-son qonunining 44-moddasida, Siz nega ishsiz emasligingizni sababi keltirilgan bo‘lib, unga ko‘ra,
➖ ta’lim muassasalarida ta’lim olayotganlardan tashqari, o‘n olti yoshdan to pensiya ta’minoti huquqini olish yoshigacha bo‘lgan, haq to‘lanadigan ishga yoki ish haqi keltiradigan mashg‘ulotga ega bo‘lmagan, ish qidirayotgan va ish taklif etilsa, unga kirishishga tayyor bo‘lgan yoxud kasbga tayyorlashdan, qayta tayyorlashdan o‘tishga yoki malakasini oshirishga tayyor bo‘lgan, ishga joylashishda ko‘mak olish uchun mahalliy mehnat organlariga murojaat qilgan va ushbu organlar tomonidan ish qidirayotgan shaxslar sifatida ro‘yxatga olingan mehnatga layoqatli shaxslar ishsizlar deb e’tirof etiladi deb ko‘rsatilgan.
✏️ Xulosa qilib aytadigan bo‘lsak, Siz ishsiz bo‘lib ishsiz emasligingizni sababi shuki, Sizni ishsizligingiz mahalliy mehnat organlarida rasman qayd etilmagan. Siz ushbu organga murojaat qiling, ularni qonuniy talablarini bajaring va ular Sizni rasman ishsizlar ro‘yhatiga kiritib qo‘yishadi. Shundan keyin Siz ishsizlik nafaqasini xam, o‘zingiz aytgan ishsizlar uchun berilayotgan boshqa imkoniyatlardan xam foydalanishingiz mumkin bo‘ladi.