Elektr, gaz, suv schotchikni qiyoslovdan o‘tkazish harajatlari kim tomonidan amalga oshiriladi? Bu uchun iste’molchi pul to‘laydimi?
@Yurist_Xizmati 5038-savol:
Elektr, gaz, suv xisoblagichlarning kiyoslash muddati kim tomonidan nazorat kilinadi? Bu xolda kiyoslash uchun iste’molchi pul tulaydimi?
YURIST JAVOBI:
Vazirlar Mahkamasining 2024-yil 31-maydagi 319-son qaroriga 1-ilovada tasdiqlangan Elektr energiyasidan foydalanish Qoidalari 16-bandiga ko‘ra iste’molchilarning hisoblagichlarini belgilangan tartibda o‘z vaqtida qiyoslovdan o‘tkazish HTЕKning majburiyati ekanligi keltirilgan.
HЕTK – bu viloyat, tuman (shahar), iqtisodiy zona (sanoat zonasi) doirasida elektr ta’minoti shartnomasi asosida iste’molchilarga elektr energiyasini sotish va taqsimlash huquqiga ega bo‘lgan yuridik shaxs.
Shuningdek, ushbu Qoidalarning 65-bandiga ko‘ra maishiy iste’molchilarda o‘rnatilgan hisoblagichlarni sotib olish (elektr tarmoqlariga yangi ulanadigan yakka tartibdagi uy-joylar va ko‘p kvartirali uylardagi xonadonlar), o‘rnatish, ro‘yxatga olish, davriy qiyoslovdan o‘tkazish va plombalash, shuningdek, mavjud (jumladan, EHNATga mos kelmaydigan) hisoblagichlarni almashtirish HЕTK mablag‘lari hisobidan amalga oshiriladi.
⚡️Demak, elektr energiyasini hisobga olish uskunasini (schotchikni) qiyoslovdan o‘tkazish xarajatlari ham HЕTK tomonidan amalga oshiriladi.
Endi qarang! Vazirlar Mahkamasining 2024-yil 31-maydagi 319-son qaroriga 2-ilovada tasdiqlangan Tabiiy gazdan foydalanish Qoidalari 83-bandiga ko‘ra mavjud hisoblagichlarning zamonaviy hisoblagichlarga almashtirilishiga qadar davriy qiyoslovdan o‘z vaqtida o‘tkazishni tashkil etish uchun javobgarlik gaz ta’minoti tashkiloti zimmasiga yuklanadi.
Bunda qoidalarning 84-bandiga muvofiq hisoblagichlarning almashtirish, ta’mirlash, xizmat ko‘rsatish, qiyoslovdan o‘tkazish va sozligini monitoring qilish uchun yechib olinishi tegishli sarf-xarajatlar hisoblagichning mulkdori hisobidan qoplangan holda hamda gaz ta’minoti (gaz uzatish) tashkilotining vakillari tomonidan iste’molchi ishtirokida amalga oshiriladi.
❗️Shunga ko‘ra tabiiy gazni hisobga olish uskunasini qiyosdan o‘takazish xarajatlari uning egasi tomonidan qoplanadi.