Elektr va gaz hisoblagich kimning hisobidan harid qilinib, o‘rnatiladi?
Elektr va gaz korxonalari tomonidan odamlarni chalg‘itishga bo‘layotgan urinishlar sabab, moyi chiqib ketgan bo‘lsa-da yana bir bor eslatmoqchimiz.
Unutmang: Vazirlar Mahkamasining 2018 yil 12 yanvardagi 22-son qaroriga asosan:
➖ maishiy iste’molchilarga elektr energiyasi va tabiiy gaz iste’molini hisobga olish zamonaviy uskunalarini xarid qilish, o‘rnatish, ro‘yxatdan o‘tkazish, davriy davlat qiyoslovi va plombalash tegishli hududiy elektr tarmoqlari korxonalari va gaz ta’minoti tashkilotlari mablag‘lari hisobidan amalga oshiriladi;
➖ maishiy iste’molchilarning elektr energiyasi va tabiiy gaz iste’molini hisobga olish uskunalarining davriy davlat qiyoslovidan o‘z vaqtida va sifatli o‘tkazilishini tashkil qilish bo‘yicha javobgarlik tegishli hududiy elektr tarmoqlari korxonalari va gaz ta’minoti tashkilotlariga yuklatiladi;
➖ tadbirkorlik subyektlarini elektr va gaz tarmoqlariga foydalanishga tayyor holda ulash ularning xohishiga ko‘ra amalga oshiriladi.