Bu uy o‘simligi zaharli
Diyeffenbaxia chiroyli, oddiy va juda tez o‘sadi. Biroq bu o‘simlik bolalar, shuningdek, hayvonlar bo‘lgan xonada saqlanmasligi kerak.
Gap shundaki, diyeffenbaxia zaharli hisoblanadi. Gulning barglari va poyasida mavjud bo‘lgan sharbat kalsiy oksalatlari, alkaloidlar va sianid birikmalarini o‘z ichiga oladi. Ushbu moddalar teriga tegsa, kuchli kuyishga olib kelishi mumkin. Agar sharbat oshqozonga kirsa, halqum va tilning shishishi, xira ko‘rish, yurak ishidagi uzilishlar va anafilaktik shok paydo bo‘lishi mumkin.