O‘zbekistonda endi nogironlikni belgilashda yangi raqamlashtirilgan tizimga o‘tiladi
Davlat rahbari kecha ijtimoiy himoya tizimini takomillashtirish bo‘yicha qo‘shimcha chora-tadbirlar taqdimoti bilan tanishdi. Taqdimotda mazkur yangi tizim haqida ma’lumot berildi.
Bunda, nogironlikni belgilashda “tibbiy model” dan “ijtimoiy model” ga o‘tish tartibi belgilanmoqda. Xususan, dastlab eksperiment tariqasida Toshkent shahri va Navoiy viloyatida hamda 2025 yil 1 sentyabrga qadar barcha hududlarda katta yoshdagi shaxslarning funsionalligi baholash tizimi joriy etiladi.
Quyidagicha o‘zgarishlar bo‘lishi kutilmoqda:
• amaldagi davolanish muddatlari bo‘yicha talab bekor qilinadi hamda bemorning kasalligidan kelib chiqib o‘zgaruvchan davolanish muddatlari belgilanadi;
• ekspert komissiyalari tomonidan kasbga, ta’limga, sportga tavsiya berish, vaqtincha mehnatga layoqatsizlik varaqasining muddatini uzaytirish hamda transport vositasini boshqarish layoqatini belgilash tartibi bekor qilinadi;
• tumanlararo va tuman (shahar) TIEKlar tomonidan ekspert komissiyalari tomonidan tibbiy hujjatlarga tayanib nogironlikni belgilash tartibi bekor qilinadi;
• nogironlikni shaxs sog‘lig‘ining holati va funsionallikni baholash natijalari asosida elektron tarzda belgilash tartibi joriy etiladi;
• ixtisoslashtirilgan ekspert komissiyalari tomonidan nogironlikni belgilash tartibi bekor qilinib, nogironlik tumanlararo va tuman (shahar) Ekspert komissiyalari tomonidan belgilanadi.