Endi O‘zbekistonda ishlab chiqarilgan harbiy texnikalari jaxon bozoridada sotiladi
Prezident Shavkat Mirziyoyevning Mudofaa sanoati agentligining Innovatsion texnologiyalar markaziga tashrifi doirasida harbiy texnika ishlab chiqarish hajmini kengaytirish masalalari muhokama qilindi.
Bugungi kunda mamlakatimizda harbiy texnika va ikki xil maqsadga mo‘ljallangan mahsulotlarning ishlab chiqarilishi yo‘lga qo‘yilgan bo‘lib, ularning sifati xalqaro talablar darajasida rivojlanmoqda. Xususan, mahalliy korxonalar tomonidan ishlab chiqilgan "Arslon 8×8" va "Arslon 6×6" zirhli transportyorlari, shuningdek, "To‘fon" o‘ziyurar gaubitsasi xalqaro ko‘rgazmalarda katta qiziqish uyg‘otmoqda.
Bu kabi loyihalar nafaqat ichki bozorni ta’minlash, balki xorijiy bozorlarni ham zabt etish imkonini yaratadi. Prezident tomonidan ishlab chiqarish quvvatlarini oshirish, yangi texnologiyalarni joriy etish va xalqaro maydonda O‘zbekiston mahsulotlariga bo‘lgan talabni oshirish bo‘yicha aniq vazifalar belgilab berildi.