QANDAY HOLLARDA ALIMЕNT TO‘LOVCHIGA QIDIRUV E’LON QILINADI ?
⚡️SAVOL;
Men bir nafar farzandimga aliment olar edim. Turmush o‘rtog‘im 1 yildan beri alimentni to‘lamayapti. Ijrochini oldiga borsam uni topib bo‘lmayapti, xech qayerda yo‘q deydi. Xuddi shunday 5 yil yo‘q bo‘lib yursa 5 yil aliment ololmaymanmi shunda. Unga qidiruv xam e’lon qilinmagan. Uni qanday topish mumkin ?
⚡️JAVOB;
"Sud xujjatlari va boshqa organ xujjatlarini ijro etish to‘g‘risida"gi 258-II-son O‘zbekiston Respublikasining Qonuni 42-moddasiga asosan, aliment undirish bo‘yicha qarzdorning turgan joyi haqida ma’lumotlar bo‘lmaganda, davlat ijrochisi o‘z tashabbusi bilan yoki undiruvchining arizasiga ko‘ra qarzdorni qidirish to‘g‘risida qaror chiqaradi.
➖ Qidiruv ijro hujjatini ijro etish joyida, qarzdorning ma’lum bo‘lgan oxirgi yashash joyida (turgan joyida) yoki uning mol-mulki turgan joyida yoxud undiruvchining yashash joyida (turgan joyida) e’lon qilinadi.
❗️Sizni holatingizda MIB ijrochisi yuqoridagi asosga ko‘ra qarzdorni qidirish bo‘yicha qaror chiqarishi kerak. Agar ijrochi o‘z tashabbusi bilan qidirish to‘g‘risida qaror chiqarmayotgan bo‘lsa Siz unga yozma ariza berib, arizada aliment to‘lamayotgan qarzdorga nisbatan qidiruv e’lon qilinishini talab qilishingiz mumkin.