Fermer xo‘jaligini MCHJ qilib qayta tashkil etish tartibi qanday?
@Yurist_Xizmati 4591-savol:
Menga bir fermer tanishim bogdorchilikka muljallangan 49 yilga berilgan fermer xujaligini birgalikda ish yuritish uchun taklif kildi. Uning taklifi fermer xujaligini MCHJ utkazishi va meni ta’sischi ruyxatiga kiritishini aytdi. Shunday kilsa buladimi? Fermer xujaligini MCHJ kilish tartibi kanday va shartnoma asosida fukaro tomonidan olingan yer xokimyat tomonidan kayta rasmiylashtirib berilishi mumkinmi MCHJga
YURIST JAVOBI:
Fermer xo‘jaligi yuridik shaxs hisoblanadi. MCHJ esa yuridik shaxsning tashkiliy huquqiy shakllaridan biri holos.
✅ Fermer xo‘jaligini MCHJ sifatida qayta tashkil etish mumkin. Ammo yerning ijarasi 49 yil emas.
"Fermer xo‘jaligi to‘g‘risida"gi qonunning 11-moddasiga binoan Fermer xo‘jaliklarini yuritish uchun yer uchastkalari ochiq elektron tanlov asosida o‘ttiz yil muddatga ijaraga beriladi. Yer kodeksida ham shunday qoida mavjud.
Qonunning 12-moddasiga ko‘ra esa Fermer xo‘jaligiga berilgan yer uchastkasi fermer xo‘jaligi qayta tashkil etilgan taqdirda, agar yer uchastkasining bo‘linishi natijasida yangi tashkil topgan yer uchastkalarining o‘lchami O‘zbekiston Respublikasining Yer kodeksida nazarda tutilgan eng kam o‘lchamlardan kam bo‘lmasa, bo‘linishi mumkin.
➡️ Yuridik shaxsni qayta tashkil etish masalasiga kelsak. Fuqarolik kodeksining 49-moddasiga binoan Yuridik shaxsni qayta tashkil etish (qo‘shib yuborish, qo‘shib olish, bo‘lish, ajratib chiqarish, o‘zgartirish) uning muassislari (ishtirokchilari) yoki ta’sis hujjatlarida shunga vakil qilingan yuridik shaxs organi qaroriga muvofiq amalga oshirilishi mumkin.
✅ Umuman olganda Fermer xo‘jaligini MCHJ sifatida qayta tashkil etish mumkin.
telegram kanal - yurist xizmati