Korxona qayta tashkil etilganda xodimlarga uzoq yillik mehnat staji uchun ta’til berilishi davom etadi
Fuqaro murojaati: Men 30 yildan ortiq bir korxonada ishlab, Prezidentimiz qarorlariga asosan korxonani tovar sotib olish va realizatsiya qilish funksiyasi yangi tashkil qilingan korxonaga o‘tkazilganligi sababli, men ham vazifam bo‘yicha ushbu korxonaga ishga o‘tdim. Menga ham har yillik ish stajimga karab ko‘shimcha ta’til beriladimi, mehnat ta’tilimga.
Mehnat kodeksining 219-moddasiga asosan har yilgi qo‘shimcha ta’tillar bitta tashkilotda yoki tarmoqda ko‘p yillik ish stajiga ega bo‘lgan xodimlarga beriladi. Kodeksining 220-moddasiga muvofiq, xodimga u bitta tashkilotda yoki tarmoqda ishlagan har besh yil uchun davomiyligi ikki kalendar kun bo‘lgan, biroq jami sakkiz kalendar kundan ko‘p bo‘lmagan har yilgi qo‘shimcha mehnat ta’tili beriladi. Bunda mehnat shartnomasini qayta tuzgan xodimga qo‘shimcha mehnat ta’tili berilmaydi. Chunki qo‘shimcha mehnat ta’tili faqat bir korxonada ko‘p yillik ish stajiga ega hodimlarga (ishlagan har 5 yili uchun 2 kun xisobida lekin 8 kalendar kundan ko‘p berilmaydi. 30 yillik ish stajingiz uchun sizga 8 kun qo‘shimcha ta’til) beriladi.
Mehnat kodeksining 156-moddasiga ko‘ra, tashkilotning mulkdori almashganda, xuddi shuningdek tashkilot qayta tashkil etilganda (qo‘shib yuborilganda, qo‘shib olinganda, bo‘linganda, ajratib chiqarilganda, o‘zgartirilganda) yakka tartibdagi mehnatga oid munosabatlar xodimning roziligi bilan davom ettiriladi. Ya’ni sizni mehnat shartnomangiz tugatilmasdan, korxona qayta tashkil etilgan bo‘lsa, sizga ko‘p yillik mehnat stajingiz uchun 8 kunlik qo‘shimcha ta’til beriladi.