"10 ming qadam" loyihasi yana qaytmoqda.
Bu bo‘yicha Prezident farmoni loyihasi jamoatchilik muhokamasiga qo‘yildi.
Farmonga ko‘ra, 2025-yil 1-iyundan boshlab “Bir million yashil oila” umummilliy harakati doirasida maxsus platforma ishga tushirilib, u orqali bir sutka davomida kamida 10 ming qadam yurganlarga “Ekofaol fuqaro” maqomi beriladi hamda ularga quyidagi imtiyozlar taqdim etiladi:
➖davlat xizmatlaridan foydalanishda 10 foiz chegirma;
➖davlat ulushi 50 foizdan yuqori bo‘lgan banklarda iste’mol kreditini olishda chegirma;
➖oilaning barcha voyaga yetgan a’zolari “Ekofaol fuqaro” maqomini olganda, ushbu oilaga “yashil oila” maqomini berish hamda ularga har yili lotereya orqali 14 ta elektromobildan birini yutish imkoniyatini taqdim etish.
Shuningdek, aholisining yarmi “yashil oila” maqomini olgan mahallalarda “Eng toza mahalla” va “Eng yashil mahalla” tanlovlarini o‘tkazilib, g‘olib mahallalar jamg‘armasiga quyidagi maqsadlar uchun 500 million so‘m ajratiladi:
➖bolalar maydonchasini qurish;
➖yashil bog‘ yaratish;
➖chiqindi yig‘ish maydonchalarini qurish va chiqindi konteynerlarini o‘rnatish.
telegram kanal - yurist xizmati