Ish joyida ro‘mol (hijob) o‘rash mumkin emasmi
Assalomu alaykum. Ayrim maktablarda majburan ro‘molni yechtirishmoqda, shunday qaror chiqibdimush. Agar yechmasang, “statya” bilan bo‘shataman deb tahdid qilishmoqda. Shu qanchalik to‘g‘ri?
Muhammadamin Karimjonov javobi:
Maktablarda ayollarning ro‘molini yechtirish kampaniyasi boshlanibdi shekilli. Shu bo‘yicha ko‘plab murojaatlar kelmoqda. Ta’limda shuncha muammolar turganda yana ro‘molga yopishish boshlanibdida
Bu bo‘yicha hech qanday qaror chiqqani yo‘q.
O‘zbekiston Respublikasi Maktabgacha va maktab ta’limi vazirining buyrug‘i chiqdi. Buni quyida tahlil qilamiz. O‘zbekiston Respublikasi Maktabgacha va maktab ta’limi vazirining 2024-yil 12-iyundagi 187-sonli buyrug‘iga 1-ilova “Maktabgacha ta’lim tashkiloti hamda umumiy o‘rta ta’lim muassasalarida faoliyat yuritayotgan pedagog-xodimlar uchun namunaviy etika qoidalari“ maktabgacha ta’lim tashkiloti hamda umumiy o‘rta ta’lim muassasalarida faoliyat yuritayotgan pedagog-xodimlar uchun namunaviy etika qoidalari (keyingi o‘rinlarda – Namunaviy qoidalar) maktabgacha ta’lim tashkilotlari hamda umumiy o‘rta ta’lim muassasalaridagi ta’lim-tarbiya jarayoni ishtirokchilari uchun axloq qoidalari, odob-axloq tamoyillari, xulq-atvor me’yorlariga qo‘yiladigan talablarni belgilaydi. Batafsil
Sallaga qo‘shib, kallani ham olib keladigan ayrim direktorlar, Namunaviy qoidalarning 10-bandidagi quyidagi qoidani noto‘g‘ri talqin qilmoqdalar: turli din va konfessiyalar hamda turli submadaniyatlarga mansubligini aks ettiruvchi kiyimlarda bo‘lmasligi.
Birinchidan, ro‘mol diniy libos emas. Oldin fuqarolarning jamoat joylarida ibodat liboslarida yurganligi uchun Ma’muriy javobgarlik to‘g‘risidagi kodeksda javobgarlik belgilangan edi. Lekin eng qizig‘i, qonunchilikda ibodat libosi tushunchasiga ta’rifning o‘zi yo‘q edi. Shuning uchun ham, fuqarolarning jamoat joylarida ibodat liboslarida yurishi bo‘yicha belgilangan jazo olib tashlandi.
“Bir necha yil oldin ishchi guruh “ibodat libosi” tushunchasini aniqlashga urindi, ammo guruh bu borada “boshi berk ko‘chaga kirib qoldi”, degan edi sobiq Adliya vaziri Ruslanbek Davletov
“Islomda bunday tushuncha yo‘q, kishining avrati yopiq bo‘lishi so‘raladi. Qanday kiyimda bo‘lsa ham, ibodat uchun [mos va pokiza] bo‘lishi so‘raladi. Shuning uchun bu terminlarni (ibodat libosi - tahr.) qayta ko‘rib chiqish kerak. U ibodat libosi degan terminni muomaladan chiqarib tashlash lozim”, – degan edi marhum muftiy Usmonxon Alimov.
Din ishlari bo‘yicha qo‘mita sobiq rais o‘rinbosari O‘tkir Hasanboyevning fikrlaridan iqtibos keltiramiz: Muayyan bir dinlarda ayrim rasm-rusumlarni bajarish uchun kiyiladigan kiyimlar belgilab qo‘yilgan bo‘ladi. Aholimizning 94 foizidan ortig‘i islom diniga e’tiqod qiladi. Islom dinida ibodat qilish uchun "bunisi - islom kiyimi, bunisi esa islom diniga zid", degan tushunchalar yo‘q. Boshqa dinlarda esa ibodat marosimlarini o‘tkazish uchun alohida liboslar kiyiladi. Islom dinida esa ibodat uchun diniy kiyim, degan mulohazalar noo‘rin.
"Din ishlari qo‘mitasi, mutasaddi tashkilotlar, maslahatchi-ekspertlar ham ro‘molni hech qachon diniy libos sifatida e’tirof etmagan. Agar ro‘molni diniy libos sifatida qaralayotgan vaziyatga duch kelsangiz, bizga murojaat qilishingiz mumkin. Biz bu masalani ko‘rib chiqishga tayyormiz", degan edi sobiq qo‘mita raisi o‘rinbosari - Batafsil. Din ishlari bo‘yicha qo‘mita ishonch raqami: +99871 207-17-58. Davomi ⬇️
telegram kanal - yurist xizmati