Uyni sotib olingan narxidan arzonroqqa sotsa, daromad solig‘i ushlanmaydimi?
@Yurist_Xizmati 4733-savol:
Assalomu alaykum 2023 yilda yangi turar joydan kvartira sotib olgan edik. xozir usha kvartirani sotib olingan narxdan arzonga sotilsa daromad soligi tulanadimi.
YURIST JAVOBI:
Soliq kodeksining 378-moddasida jismoniy shaxslarning soliq solishdan ozod qilingan daromadlari ro‘yxati belgilangan. Ular qatorida soliq to‘lovchilarga xususiy mulk huquqi asosida tegishli bo‘lgan mol-mulkni sotishdan olinadigan daromadlar ham keltirilgan.
❗️Shunga ko‘ra sizdagi vaziyatda uy-joyni olganingizga 36 oy to‘lmagani uchun uy-joyni sotishdan olgan daromadingizdan soliq to‘lashingiz lozim.
Bunda ushbu kodeks 375-moddasiga muvofiq mol-mulkni realizatsiya qilishdan olingan daromadlar mazkur mol-mulkni realizatsiya qilish summasining hujjatlar bilan tasdiqlangan uni olish qiymatidan oshgan qismi sifatida aniqlanadi.
Mazkur qiymatni tasdiqlovchi hujjatlar mavjud bo‘lmagan taqdirda, mol-mulkni realizatsiya qilish qiymati, ko‘chmas mulk bo‘yicha esa – kadastr qiymati hamda realizatsiya qilish narxi o‘rtasidagi ijobiy farq daromad deb e’tirof etiladi.
Qoidaning mazmuniga soliq summasi oldingi oldi-sotdi shartnomasi va keyingi oldi-sotdi shartnomasining o‘rtasidagi farqdan kelib chiqib hisoblanadi.
♂️ Misol uchun, uy-joy 2021 yilda 350 mln so‘mga sotib olingan va 2023 yilda ushbu uy-joy 400 mln so‘mga sotilsa, unda ushbu qiymatlar o‘rtasidagi farqdan ya’ni 50 mln so‘mdan ushbu Kodeksning 381-moddasiga binoan siz daromadning 12 foizini daromad solig‘i sifatida to‘laysiz.
✅ Agar siz uy-joyni sotib olingan narxida yoki undan arzonroq miqdorda sotisangiz daromad solig‘i hisoblanmaydi.
telegram kanal - yurist xizmati