❗️KRЕDITGA OLINGAN UYNI SOTSA BO‘LADIMI ?
⚡️ SAVOL;
Men ipoteka shartnomasi asosida kreditga uy olgan edim. Xozirgi extiyojimdan kelib chiqib uyni sotmoqchi bo‘lsam tanishlarim menga uyni kreditini to‘lab bo‘lmagunimcha buni iloji yo‘q ekanligini aytyapti. Shu to‘g‘rimi ?
⚡️ JAVOB;
Amaliyotda kreditga olingan uylar olingan kreditning ta’minoti sifatida garovga olinadi. Ya’ni, o‘rtada tuzilgan garov shartnomasiga asosan to kredit qarzdorligi to‘lanmaguncha o‘sha olgan uyingizga banklar tomonidan sotish uchun taqiq qo‘yilgan bo‘ladi.
❗️ Hosh, nima qilish mumkin ?
✅ “Ipoteka to‘g‘risida”gi qonunning 26-moddasida,➖ipoteka to‘g‘risidagi shartnoma bo‘yicha garovga qo‘yilgan mol-mulk, agar ipoteka to‘g‘risidagi shartnomada boshqacha tartib nazarda tutilmagan bo‘lsa, ipotekaga qo‘yuvchi tomonidan sotish, hadya etish, ayirboshlash orqali yoki o‘zgacha usulda faqat ipotekaga oluvchi(Bank)ning roziligi bilan tasarrufdan chiqarilishi mumkinligi ko‘rsatilgan. Ya’ni, agar bank Sizga mabodo, o‘sha uyni sotishingiz uchun yozma ravishda rozilik bersa shunda uyni sotishingiz mumkin bo‘ladi lekin, banklardan bunday rozilikni olishdan ko‘ra soqovga gapirishni o‘rgatish osonroq..
❗️ Demak imkoni yo‘q ekanda ?
✅ Fuqarolik kodeksi 322-moddasida qarzni boshqa shaxsga o‘tkazish degan norma bor. Agar kredit bergan bank rozilik bersa, shu ipoteka kreditini boshqa bir to‘lovga layoqatli shaxsga (yangi qarzdorga, yoki Siz sotmoqchi bo‘lgan o‘sha odamga) o‘tkazish mumkin.
❗️Bu qanday bajariladi ?
✅ Bunda Siz bilan bank o‘rtasida tuzilgan shartnomaga o‘zgartirish kiritiladi va shartnoma bo‘yicha Sizni zimmangizda bo‘lgan barcha to‘lov majburiyatlari ikkinchi shaxsga o‘tadi vassalom. Banklarning shu shartga rozi bo‘lish extimoli yo‘q emas.
Yuristlarga savol yuborish
@yuristdan_javob_bot
Kanalga ulanish
@Yurist_Blogerr