Maktabning isitish tizimida o‘t yoquvchi shtatini kim hal qiladi? DXSH asosidagi tadbirkormi, maktabmi yoki moliya bo‘limimi?
@Yurist_Xizmati 4767-savol:
Assalomu alaykum!Mening savolim shundan iboratki,maktablardagi o‘t yoquvchilik DXSHga o‘tkazilgan lekin biz maktabdagi katyollarni yoqish uchun 1ta katyolga necha shtat birligi berilishini bilmayapmiz,moliyadan so‘rasak DXSH biladi deydi DXSHdan so‘rasak moliya biladi deydi.Savolim shuki DXSHning majburiyatiga nimalar kiradi va 1ta katyolga necha shtat birligi ajratiladi?
YURIST JAVOBI:
Agar maktabning isitish tizimi DXSH asosida tadbirkorlik subyektiga topshirilgan bo‘lsa, unda bu masalada DXSH asosida tadbirkor bilan hal qilinadi.
Sababi maktabdagi o‘t yoquvchilik lavozimi mavsumiy hisoblanib, Xalq ta’limi vazirining 2019-yil 28-dekabrdagi 406-son buyrug‘i asosida shtatlar jadvali ajratiladi.
Agar maktab mazkur majburiyatni (isitish) shartnoma asosida boshqa shaxsga topshirsa, unda maktab o‘t yoquvchi shtati to‘liq yopiladi.
❗️Shuning uchun mazkur lavozimning shtat birligi, lavozim majburiyatlari, maoshi bilan bog‘liq masalalarda moliya bo‘limi yoki maktab aralashmaydi.
telegram kanal - yurist xizmati