SAVOL:
Biz yaqinda turmush o‘rtog‘im bilan sud tartibida ajralishamiz. Men turmushga chiqayotganimda turmush o‘rtog‘imning familiyasiga o‘tgan edim. Savolim shuki, men endi o‘zimni qizlik familiyamga qanday qilib qaytishim mumkin ?
JAVOB:
Oila kodeksining 46-moddasiga asosan,
Nikohga kirish vaqtida o‘z familiyasini o‘zgartirgan er (xotin) nikohdan ajratilgandan keyin ham shu familiyada qolishga haqli yoxud uning xohishiga binoan sud tomonidan nikohdan ajratish to‘g‘risidagi qaror chiqarilayotganda unga nikohgacha bo‘lgan familiyasi qaytarilishi mumkinligi belgilangan.
Demak, Siz turmush qurayotgan vaqtingizda familiyangizni turmush o‘rtog‘ingizni familiyasiga o‘zgartirgan bo‘lsangiz, endi nikohdan ajratilayotgan vaqtingizda o‘z qizlik familiyangizga qaytishingiz yoki hozirgi familiyangizda qolishingiz mumkin bo‘ladi. Qonuniy nikoh bekor qilinganidan keyin qaysi familiyada bo‘lish o‘zingizni xohishingizga ko‘ra nikohdan ajratish to‘g‘risidagi qaror chiqarilayotgan payda sud tomonidan hal etiladi