Afg‘on urushi qatnashchilarining staji necha yilga o‘tadi?
@Yurist_Xizmati 4637-savol:
Assalomu alaykum. Man 1969 yilda tugilgan man 28 aprelda 55 yoshdaman. 1987-1989 yy larda avgoniston xududida 2 yil tulik xarbiy xizmatni maxsus KGP tizimda maxsus topshirish bilan jangavor xolatida bulgan man. Tasdiklovchi xujjat bor va xarbiy vaynikomatdan oldim. Xozirgi Kunda 2 gurux nogironima kassaligim buyicha. Armiya davri yani 2 yil nechi xisaga xisoblanadi ish stajiga kushilishi, 2 gurux umumiy kassalik buyicha nogironiga talab etiladigan ish staji. Ish stajim 31 yilni tashkil etadi. Sizdan konun asosida 2 gurux pensiya tayinlash uchun malumot berishingizni surayman.
YURIST JAVOBI:
Fuqarolarning davlat pensiya ta’minoti to‘g‘risidagi Qonunining 38-moddasi fuqaroning stajiga harakatdagi armiya tarkibiga kiruvchi harbiy qismlar, shtablar va muassasalardagi, jangovar harakatlar davrida partizan otryadlari va qo‘shilmalaridagi xizmat va erkin yollanganlar tarkibidagi ish, baynalmilal burchni bajarishda jangovar harakatlarda ishtirok etish — uch hissa barobarida imtiyozli tarzda qo‘shib hisoblanadi.
Shuningdek, Vazirlar Mahkamasining 2022-yil 13-oktabrdagi 592-son qarori bilan tasdiqlangan "Davlat pensiyalarini tayinlash va to‘lash tartibi to‘g‘risida"gi nizom 32-bandida ham yuqoridagi qoida keltirilgan.
Endi qarang! O‘zbekiston Respublikasi Prezidentining 2019-yil 12-sentyabrdagi PQ-4447-son qaroriga 1-ilovada tasdiqlangan O‘zbekiston Respublikasi fuqarolarining harbiy xizmatni o‘tash tartibi to‘g‘risidagi Nizom 22-bandiga ko‘ra Harbiy xizmatchilar uchun quyidagi davrlarning bir kuni imtiyozli ravishda harbiy xizmatning uch kuniga teng hisoblanadi:
➖ jangovar harakatlarda, jangovar vazifalarni bajarishda, terrorchilikka qarshi maxsus operatsiya o‘tkazishda yoki favqulodda holat rejimini ta’minlashda (saqlab turishda) ishtirok etgan davri;
➖ jangovar harakatlarda, jangovar vazifalarni bajarishda, terrorchilikka qarshi maxsus operatsiya o‘tkazishda yoki favqulodda holat rejimini ta’minlashda (saqlab turishda) bevosita ishtirok etish natijasida shikastlanish (yaradorlik, jarohatlanish) va kasallanish sababli davolash muassasalarida uzluksiz bo‘lgan davri.
✅ Shunday ekan, sizning afg‘on urushida qatnashgan davringizdagi har bir kuningiz 3 kunga, boshqacha aytganda 1 yilingiz 3 yilga teng bo‘ladi.
✅ Demak, sizning 2 yillik xizmatingiz 6 yillik stajga teng bo‘ladi.
➡️ Endi asosiy masalaga kelsak, Qonunning 15-bandiga asosan nogironlik pensiyalari qonunchilikda belgilangan tartibda I va II guruh nogironligi bo‘lgan shaxslar deb topilgan shaxslarga, shuningdek Chernobil AYESdagi avariya tufayli mayib bo‘lish yoki kasallik oqibatida III guruh nogironligi bo‘lgan shaxslar deb topilgan shaxslarga tayinlanadi.
Bunda qonunning 17-moddasiga binoan umumiy kasallik tufayli beriladigan nogironlik pensiyalari nogironlik boshlangan paytga qadar quyidagicha ish stajiga ega bo‘lgan taqdirda tayinlanadi:
51 yoshdan 56 yoshga qadar 17 yillik ish staji bo‘lganda nogironlik pensiyasi tayinlanadi.