Ayol kishi ish staji bo‘lmasa necha yoshdan pensiyaga chiqadi?
@Yurist_Xizmati 4602-savol:
Assalomu aleykum meni savolim ayol kishi ish staji bòlmasa necha yoshdan pensaga chiqadi.
YURIST JAVOBI:
Vazirlar Mahkamasining 2023-yil 23-martdagi 119-son qaroriga
1-ilovada tasdiqlangan Ijtimoiy himoyaga muhtoj bo‘lgan ayrim toifadagi shaxslarga nafaqa tayinlash va to‘lash tartibi to‘g‘risidagi Nizom 3-bandiga ko‘ra qonunda belgilangan shartlar va me’yorlarga muvofiq davlat pensiyasini tayinlash uchun zarur ish stajiga ega bo‘lmagan keksa yoshdagi shaxslar ijtimoiy himoyaga muhtoj ayrim toifadagi shaxslar hisoblanadi.
✅ Bunda ushbu toifadagi shaxslarga yoshga doir nafaqa to‘lanadi.
Mazkur nizom 19-bandiga asosan yoshga doir nafaqa:
bolalikdan nogironligi bo‘lgan farzandi bor (bo‘lgan) onalarga — 55 yosh;
ayollarga — 60 yosh;
erkaklarga — 65 yoshga yetganda tayinlanadi.
♂️ Bunda nafaqa olish huquqiga ega bo‘lgan shaxslar nafaqa olish huquqi paydo bo‘lgandan so‘ng istalgan vaqtda nafaqa olish uchun murojaat qilishlari mumkin.
Murojaat davlat xizmatlari markazlari, Markazlarning (“Inson” ijtimoiy xizmatlar markazi) ijtimoiy xodimlar guruhlari yoki YIDXP orqali amalga oshiriladi