YOZILGAN VASIYATNOMANI QAYTARIB OLISH MUMKINMI?
Uy masalasi onamlar uyni opamlarga meros kilibdilar shuni Onami uzlari Notarius orkali bekor kildirsalar buladimi?
❗️JAVOB:
Fuqarolik kodeksining 1112-moddasiga muvofiq vorislik vasiyat va qonun bo‘yicha amalga oshiriladi.
Qonun bo‘yicha vorislik vasiyat mavjud bo‘lmasa yoxud butun merosning taqdirini belgilamasa, shuningdek ushbu Kodeksda belgilangan boshqa hollarda amalga oshiriladi.
Ushbu Kodeksning 1120-moddasiga ko‘ra, fuqaroning o‘ziga tegishli mol-mulkni yoki bu mol-mulkka nisbatan huquqini vafot etgan taqdirda tasarruf etish xususidagi xohish-irodasi vasiyat deb e’tirof qilinadi.
Bu holatda onangiz uyni opangizga vasiyat qilib qoldirgan bo‘lsa, uni o‘z xohishiga bekor qilishi mumkin.
Xususan, yuqoridagi Kodeksning 1127-moddasiga asosan vasiyat qiluvchi istalgan vaqtda o‘z vasiyatnomasini to‘laligicha bekor qilishga yoxud unda mavjud bo‘lgan ayrim vasiyat farmoyishlarini yangi vasiyatnoma tuzish orqali bekor qilishga, o‘zgartirishga yoki to‘ldirishga haqli.
Vasiyatnoma vasiyat qiluvchi tomonidan yoki vasiyat qiluvchining yozma farmoyishiga binoan notarius yoxud boshqa mansabdor shaxslar tomonidan uning barcha nusxalarini yo‘q qilib tashlash yo‘li bilan bekor qilinishi mumkin.