DOVЕRЕNNOSTGA MOSHINA OLGANDIM, EGASI BЕKOR QILAMAN DЕYAPTI?
Fuqarolik kodeksi 134-moddasida ishonch bildiruvchi tomonidan ishonchli vakilga uchinchi shaxslar oldida vakillik qilish uchun berilgan yozma vakolat ishonchnoma hisoblanadi. Ishonchli vakil o‘ziga ishonchnoma bilan berilgan vakolatlar doirasida ish olib boradi.
Ushbu kodeks 135-moddasi hamda Notariuslar tomonidan notarial harakatlarni amalga oshirish tartibi to‘g‘risidagi Yo‘riqnoma (ro‘yxat raqami № 3113) qoidasiga muvofiq avtotransport vositasi boshqarish va sotish huquqi asosidagi ishonchnoma notarial tasdiqlanishi shart.
Bunday ishonchnoma ishonchli vakilga shu mashinani boshqarish va sotish huquqini beradi xolos (generalniy doverennost). Mashinaga nisbatan mulk huquqi esa ishonchnoma bergan shaxsning o‘zida qolaveradi.
‼️ Ishonchnoma bir tomonlama bo‘lgani tufayli uni bergan shaxs o‘zi xohlagan paytda uni bekor qilishi mumkin.
✅ Biroq sizda faktik oldi-sotdini sud orqali tasdiqlatishingiz mumkin.
Oliy Xo‘jalik sudi Plenumining 28.11.2014 yildagi 269-sonli «Iqtisodiy sudlar tomonidan bitimlarni haqiqiy emas deb topish to‘g‘risidagi fuqarolik qonun hujjatlari normalarini qo‘llashning ayrim masalalari to‘g‘risida»gi qarorining 11.2-bandiga binoan agar davlat ro‘yxatidan o‘tkazish talab qilinadigan bitim kerakli shaklda tuzilgan bo‘lib, ammo taraflardan biri uni ro‘yxatdan o‘tkazishdan bosh tortsa, sud FK 112-moddasining uchinchi qismiga muvofiq boshqa tarafning talabi asosida bitimni ro‘yxatdan o‘tkazish to‘g‘risida qaror chiqarishga haqli, keyinchalik esa, bu bitim sud qaroriga muvofiq ro‘yxatdan o‘tkaziladi.
Bunday holatda bitim bo‘yicha taraflarning huquq va majburiyatlari u davlat ro‘yxatidan o‘tkazilgan paytdan boshlab vujudga keladi.