XODIM MЕHNAT SHARTNOMASISIZ ISHGA QABUL QILINGAN EKAN, YUQORIDAN KЕLGANLAR BO‘SHATINGLAR DЕYAPTI...
SAVOL.
Bir xodimizni ishga qabul qilish haqida buyruq chiqqan, biroq u bilan mehnat shartnomasi tuzilmagan ekan. Oradan 2 yil o‘tib, yuqori tashkilotdan tekshiruvchilar kelib, mehnat shartnomasi tuzilmaganligi uchun xodimni ishdan bo‘shatish kerak, buyrug‘ini chiqaringlar deyapti. Shunday qilish mumkinmi?
JAVOB.
To‘g‘ri, Mehnat kodeksining 168-moddasi birinchi qismi 4-bandida ishga qabul qilish yuzasidan belgilangan qoidalar buzilgan hollarda mehnat shartnomasi taraflarning ixtiyoriga bog‘liq bo‘lmagan holatlarga ko‘ra bekor qilinishi mumkin.
Biroq, MK 164-moddasi ikkinchi qismi 4-bandida “agar yo‘l qo‘yilgan qoidabuzarlikni bartaraf etish imkoni bo‘lmasa va u ishni davom ettirishga to‘sqinlik qilsa” deyilgan.
Ya’ni, xodim qoida buzilib, mehnat shartnomasi tuzilmasdan ishga qabul qilingan bo‘lsa, bu qoidabuzarlikni bartaraf etish imkoni borku. Masalan, kechiktirib bo‘lsada, mehnat shartnomasi tuzish mumkinku. Orqa sana bilan emas albatta, deylik, bugun tuzib, ishga kirishish sanasini xov o‘sha paytdan deb belgilash mumkin. Xodim “yo‘q, kerakmas, men bu shartnomaga imzo qo‘ymayman” demasligi aniq, to‘g‘rimi?
Shunday ekan, mehnat shartnomasi tuzilmasdan ishga qabul qilingan xodimni shoshqaloqlik bilan ishdan bo‘shatib yuborish noto‘g‘ri bo‘ladi