NOGIRONLIGI BO‘LGAN HODIMLARNI TUNGI ISHLARGA JALB QILISH MUMKINMI ?
⚡️SAVOL:
Meni 2-guruh nogironligim bor. Men ishlab kelayotgan tashkilotda shtatim bilan bog‘liq muammo bo‘lganligi sababli tungi smenada ishlamoqchiman. Tashkilotimiz rahbari esa Sizni guruh nogironligingiz bo‘lganligi sababli tungi ishlarga qo‘ya olmayman, bu mumkin emas deyapti. Qonunchilik bo‘yicha rahbarimni aytgan gaplari to‘g‘rimi ?
⚡️JAVOB:
Rahbaringizni gapi to‘g‘ri agarda Sizni o‘zingiz tungi smenada ishlayveraman deb unga rozilik bermagan bo‘lsangiz va kasallik holatingiz Sizni tungi vaqtdagi bajaradigan ishingiz uchun to‘g‘ri kelmasa
Mehnat kodeksining 428-moddasiga asosan, nogironligi bo‘lgan xodimlarni xizmat safariga yuborishga, tungi ishlarga, ish vaqtidan tashqari ishlarga hamda dam olish va ishlanmaydigan bayram kunlaridagi ishlarga jalb qilishga faqat ularning roziligi bilan, agar ushbu xodimlar uchun bunday ishlar tibbiy-ijtimoiy ekspert komissiyasi tavsiyalarida taqiqlanmagan bo‘lsa, yo‘l qo‘yiladi deb ko‘rsatilgan.
✏️ Endi nima qilish kerak? Siz agar tungi smenada ishlashni xohlayotgan bo‘lsangiz tibbiy-ijtimoiy ekspert komissiyasidan ushbu hodimning tungi smenada ishlashi uning kasallik holatiga salbiy ta’sir qilmaydi degan xulosani olasiz va rahbaringizni nomiga — meni tungi vaqtdagi manashu vazifani bajaruvchi hodim sifatida ishga o‘tkazishingizni so‘rayman degan mazmundagi ariza yozib uni oldiga borasizda, birinchi manashu yozganlarimizni unga ko‘rsatasiz va qo‘lingizdagi xulosa xamda arizani unga topshirasiz bo‘ldi. Shu bilan masalangiz ijobiy hal bo‘lishi kerak.