XIYONATKOR AYOLGA ALIMЕNT (TA’MINOT) TO‘LANMAYDI!
⚡️SAVOL:
Xotinim boshqa shaxs bilan menga xiyonat qilganligi sababli u bilan ajralishdik. O‘rtada bir nafar 2 yoshli farzandimiz bor. U o‘sha farzandimizga aliment uchun xamda bola 3 yoshga to‘lgunigacha o‘zining ta’minoti uchun xam mendan sud qroriga asosan aliment undirib kelmoqda. Savolim shuki, u xiyonat qilganligi uchun bizni oilamiz buzilgan bo‘lsa xam men uni o‘ziga va farzandimga aliment to‘lashga majburmanmi ?
⚡️JAVOB:
Bu holatda voyaga yetmagan farzandingiz uchun Sizni aliment majburiyatidan ozod qilish bo‘yicha qonunchilikda norma yo‘q. Ya’ni, oilaning ajratilishiga sabab nima bo‘lishidan qat’iy nazar voyaga yetmagan bola uchun aliment to‘lanishi shart. Lekin, xotiningizni o‘zi uchun to‘lanayotgan ona ta’minotini to‘lashga majbur emassiz.
Oila kodeksining 120-moddasiga ko‘ra, agar o‘z ta’minoti uchun mablag‘ to‘lanishini talab qilayotgan er yoki xotinning noloyiq xulq-atvori tufayli ular nikohdan ajratilgan bo‘lsa bunday ta’minotni to‘lash majburiyati yuklatilgan taraf ushbu ta’minotni to‘lashdan ozod qilinishi mumkinligi belgilangan.
✏️ Hozirgi holatda Siz indamay ona ta’minotini to‘lamay qo‘ya olmaysiz. Sababi Sizdan bunday ta’minotni majburiy undirish bo‘yicha sudning ijro xujjati bor. Shuning uchun Siz fuqarolik ishlari bo‘yicha sudga ariza kiritib, yuqoridagi 120-moddaga asosan ona ta’minotini to‘xtatilishini suddan talab qilsangiz bo‘ladi. Sud talabingizni qanoatlantirganidan keyin Siz ushbu ta’minotni to‘lash majburiyatidan ozod bo‘lasiz.