Qachon dam olasan, xalqim?
O‘zbek xalqi g‘alati. Dam olish kuni hech qachon dam olmaydi: uy tozalaydi, kir yuvadi, yer ag‘daradi va hokazo.
➡️ Ta’tilda esa undan battar: uy quradi, ta’mirlaydi, to‘y qiladi..
Savol tug‘iladi: qachon dam olasan, xalqim?
Umrida sanatoriy nimaligini bilmagan, lekin 30-40 yillab ishlagan odamlar bor.
Tumanidan, viloyatidan, shahridan ham tashqariga chiqmagan, poyezd yoki samolyotni faqat kinolarda ko‘rgan insonlar bor.
Puli yo‘qmas, ishlab topadi, ammo biror yurtga borishni, safar-u sayohatni ortiqcha xarajat deb hisoblaydigan, "undan ko‘ra shu pulni falon narsaga ishlatsam foydali emasmi" deb o‘ylaydigan odamlar bor.
Ehtimol, u sizdirsiz, mendirman..
Ishoning, rizq Allohdan, och qolmaysiz, o‘sha ish ham bitadi, ammo oltinga teng umringizni faqat ishxona, ro‘zg‘or tashvishlari uchungina qurbon qilavermang, ARZIMAYDI!!!
Sayohat qiling, u sizga mislsiz taassurot va zavq beradi; pulni hadeb tejayvermang, u axir sarflash uchun chiqarilgan.
Hech bo‘lmasa, bir kungina Zominga boring, jazirama paytda ayni muddao - saalqin, bahavo joy. Xumsonga boring: archazor, tog‘lar dilingizni yayratadi.
Iloj bo‘lsa, sanatoriyga boring, ayollar, ovqat pishirishdan o‘n kungina dam oling. Siz qilmang, siz uchun tayyorlab berishsin nonushta-tushlik-kechki ovqatni. Bugun nima ovqat qilsam ekan? degan asrning mangu savolini o‘n kungina chetga surib qo‘ying.
Erkaklar, bolalarni olib qolib, bir haftaga bo‘lsa ham, dugonasi bilan dam olishga yuboring Chimyonga, Chortoqqa, Oqtoshga.. Biron yoqqa..
O‘zingizga savol bering: Siz oxirgi marta QACHON dam olish uchun safar qilgansiz?
Qachon tong mahali bulbullar sayrog‘ini eshitib shunchaki yoootgansiz hech qayerga shoshilmay? Qachon tabiat qo‘ynida toza havodan o‘pkangizni to‘ldirib nafas olib sayr qilgansiz? Dengiz sohilida oyoqyalang qumda sayr qilgansiz, baliqlarni tomosha qilib zavqlangansiz?
Agar javob "hech qachon" bo‘lsa, unda rejalashtiring. Keyingi hayotingiz yo‘qki, orqaga sursangiz, dostonlarda aytilganiday:
"Dam bu damdir, o‘zga damni dam dema