DORIXONALAR TABIATGA ZARAR YETGAZGANLIK UCHUN KOPMЕNSATSIYA TO‘LAYDIMI?
Assalomu alaykum Akajon bitta masalada yordamiz kerak. Men tadbirkorlik bn shug‘illanam dorixonam bor. Ekologiya xodimlari kelib ekologiyaga zarar yetkazmayapti degan xujjat buliwi kerak agar bulmasa bu xujjatlarni tayyorlab beramiz 10 aklad pul tulashiz kerak deyapti. 541 sonli qaror buyicha ekan. Iltimos tuwuncha bering. Men ular aytgandek tulab usha qog‘ozni oliwga majburmanmi. Ular majburiy deyiwdi
JAVOB:
O‘zbekiston Respublikasi Vazirlar Mahkamasining 541-sonli “Atrof-muhitga ta’sirni baholash mexanizmini yanada takomillashtirish to‘g‘risida”gi qaroriga ko‘ra, atrof muhitga ta’sir ko‘rsatishning yuqori ( I toifaga mansub), o‘rtacha (II toifaga mansub) va past darajada xavfli ( III toifaga mansub), shuningdek, mahalliy darajada ta’sir ko‘rsatuvchi (IV toifaga mansub) faoliyat turlari majburiy ekologik ekspertizadan o‘tkazilishi belgilangan.
Shuningdek, ushbu qaror bilan xavflilik darajasiga qarab “Davlat ekologik ekspertizasidan o‘tkaziladigan faoliyat turlarining” Ro‘yxati berib o‘tilgan. Ushbu atrof muhitga ta’sir ko‘rsatishning I toifasiga mansub (yuqori darajada xavfli) faoliyat turlariga farmasevtika zavodlari va fabrikalari (tayyor dorivor vositalarni qadoqlash korxonalari bundan mustasno) kiradi.
E’tibor qiladigan bo‘lsak, farmasevtika zavod va fabrikalari nazarda tutilgan, dorixonalar emas.
Atrof tabiiy muhitga ifloslantiruvchi moddalar tashlamalarini va oqovalarni normativ va normativdan ortiqcha chiqarganlik va oqizganlik, shuningdek, chiqindilarni belgilangan limit va limitdan ortiqcha joylashtirganlik uchun kompensatsiya to‘lovlari miqdori atrof-muhitga ta’sir ko‘rsatishning I — IV toifalariga mansub kompensatsiya to‘lovchi subyektlar tomonidan ushbu Nizomga 1, 2, 3, 4 va 5-ilovalarga asosan belgilangan bazaviy stavkalarga muvofiq, atrof tabiiy muhitni ifloslantiruvchi moddalar tashlanmalari, oqovalari massasi chiqindilarni joylashtirish bilan bog‘liq aniq ma’lumotlar hamda tasdiqlangan ekologik normativlarga asoslangan holda mustaqil ravishda belgilanadi.
Umumiy xulosa qilib aytadigan bo‘lsak, yuqoridagi barcha qoidalar dorixonalarga emas, famasevtika vositalarini ishlab chiqaruvchi fabrika va zavodlarga tegishli. Dorixonalar ishlab chiqarmaydi, faqat realizatsiya qiladi. Dorixonalarning yuqoridagi qaror asosida majburiy ekologik ekspertizadan o‘tkazilishi belgilanmagan.