Xitoy kompaniyasi O‘zbekiston chiqindilarini qayta ishlashga tayyor
O‘zbekiston Atrof-muhitni muhofaza qilish vazirligi Xitoyning Shanghai SUS Environment kompaniyasi bilan chiqindilarni energiyaga qayta ishlash bo‘yicha hamkorlik memorandumini imzoladi. Bu haqda Ekologiya vaziri Aziz Abduhakimov kompaniya rahbari Jishen Long bilan uchrashuvda muhokama qildi.
Xitoy kompaniyasi qattiq maishiy chiqindilarni yoqish zavodlarini yetkazib berish va qattiq maishiy chiqindilarni boshqarishning integratsiyalashgan tizimlarini ishlab chiqish bilan shug‘ullanadi. O‘zbekistonda bu yo‘nalishda ishlashga Xitoy kompaniyalaridan tashqari Janubiy Koreya va Rossiya kompaniyalari ham qiziqish bildirmoqda.