Eng yaxshi maktab o‘qituvchilariga va raxbarlariga 40 foizgacha oyliklariga ustama to‘lanishi belgilanmoqda
Qanday qilib o‘qituvchilaraga ustama hisoblanadi? Jarayon 2 bosqichdan iborat bo‘ladi.
Birinchi bosqich, Monitoring guruhi tomonidan baholashning yangi tartibi joriy etilgan maktablarning elektron jurnal ma’lumotlari asosida umumta’lim maktablari o‘quvchilarining yillik o‘rtacha baholari tahlil qilinadi hamda tegishli hududning jami umumta’lim maktablari soniga nisbatan eng yaxshi natija ko‘rsatgan birinchi 20 foiz umumta’lim maktablari saralab olinadi;
Ikkinchi bosqich, 2-boskichda 1-bosqich doirasida saralab olingan umumta’lim maktablari Monitoring guruhi tomonidan quyidagi mezonlar asosida tahlil qilinadi:
baholashning yangi tartibi bo‘yicha targ‘ibot ishlari olib borilganligi
hamda o‘quvchilar bilimi belgilangan mezonlar asosida baholanganligi;
baholash ishlarining to‘g‘ri yo‘lga qo‘yilganligi;
fan yo‘nalishlari bo‘yicha uslubiy birlashmalar BSB tahlillari olib borilganligi va o‘quvchilar tomonidan bajarilgan loyiha ishlari tahlili;
so‘rovnomalar o‘tkazilganligi va ularning tahlili.
❗️ 1-bosqich yakuni bo‘yicha saralab olingan va 2-bosqich doirasida tahlil qilingan 20 foiz umumta’lim maktablarining rahbar va pedagog kadrlariga ushbu maktablar tomonidan ikkita bosqich doirasida jami to‘plangan ballarga qarab quyidagi miqdorlarda ustama belgilanadi:
Tahlil qilingan jami maktablar soniga nisbatan ballar ketma-ketligida eng yaxshi natija ko‘rsatgan birinchi 5 foiz umumta’lim maktablari 40 foiz miqdorda
Tahlil qilingan jami maktablar soniga nisbatan ballar ketma-ketligida eng yaxshi natija ko‘rsatgan keyingi 10 foiz umumta’lim maktablari 30 foiz miqdorda
Tahlil qilingan jami maktablar soniga nisbatan ballar ketma-ketligida eng yaxshi natija ko‘rsatgan keyingi 15 foiz umumta’lim maktablari 20 foiz miqdorda
Tahlil qilingan qolgan umumta’lim maktablari 10 foiz iqdorda
Bunda ustama baholash o‘tkazilgan o‘quv yilidan keyin keladigan o‘kuv yilidan (1 sentyabrdan) boshlab bir kalendar yil davomida to‘lanadi.
Yana bir muhim ma’lumot! Umumta’lim maktablarining rahbar va pedagog kadrlari ustama olish uchun baholash o‘tkazilgan o‘quv yilida (I-IV choraklar davomida) to‘liq
ishlagan bo‘lishlari lozim. Ustama umumta’lim maktablari rahbar va pedagog kadrlarining oylik maoshlariga ko‘shib to‘lanadi